සිම්බාබ්වේ හිටපු ජනාධිපති රොබට් මුගාබේගේ පාලන සමයේදී සිය ඉඩම් අහිමි වූ සුදු ජාතික ගොවීන්, තමන්ට හිමිවිය යුතු ඩොලර් බිලියන 3.5ක වන්දිය ලබා ගැනීමට ඇමරිකානු ජනාධිපති ඩොනල්ඩ් ට්රම්ප්ගේ මැදිහත්වීම අපේක්ෂා කරති. දශක දෙකකට පෙර සිදු වූ මෙම ඉඩම් අත්පත් කර ගැනීමේදී ගොවිපළ 4,500ක් පමණ කළු ජාතිකයන් වෙත ලබා දුන් අතර, ඉන් සුදු ජාතික ගොවීන් 2,500ක් පමණ අවතැන් වූහ.
2020 වසරේදී වත්මන් ජනාධිපති එමර්සන් ම්නන්ගග්වා විසින් මෙම ගොවීන්ට වන්දි ගෙවීමට එකඟතාවක් ඇති කර ගත්තද, සිම්බාබ්වේ රජය සතු ඩොලර් බිලියන 23ක දැවැන්ත ණය බර හේතුවෙන් එම මුදල් ගෙවීමට මෙතෙක් හැකියාවක් ලැබී නැත. දකුණු අප්රිකාවේ සුදු ජාතික ගොවීන් වෙනුවෙන් පෙනී සිටිමින් ඔවුන්ට ඇමරිකාවේ සරණාගතභාවය පවා ලබා දීමට ඉදිරිපත් වූ ට්රම්ප්, සිම්බාබ්වේහි පවතින දුර්ලභ ඛනිජ සම්පත් කෙරෙහි දක්වන උනන්දුව මත මෙම ගැටලුවට මැදිහත් වනු ඇතැයි ගොවීන් බලාපොරොත්තු වේ.
කෙසේ වෙතත්, ට්රම්ප්ගේ “ගනුදෙනු මත පදනම් වූ දේශපාලනය” (Transactional politics) හමුවේ මෙම වන්දි මුදල ලබා ගැනීම සඳහා සිම්බාබ්වේ රජයට සහ ඇමරිකාවට කවර ආකාරයේ එකඟතාවකට පැමිණීමට සිදුවනු ඇත්ද යන්න පිළිබඳව දේශපාලන විචාරකයෝ අවධානයෙන් පසුවෙති.
