ඉරානය සහ අමෙරිකා-ඊශ්රායල හමුදා අතර පවතින යුද ගැටුම් ලෝකයේ ප්රධානතම තෙල් ප්රවාහන මාර්ගයක් වන හෝමූස් සමුද්ර සන්ධිය දක්වා ව්යාප්ත වීමත් සමඟ, එම කලාපයේ ආරක්ෂාව සඳහා අමෙරිකාව විසින් මැරීන් භටයන් (Marines) 2,500ක බලකායක් යෙදවීමට පියවර ගෙන තිබේ. ජපානයේ ඔකිනාවා හි ස්ථාපිත කර තිබූ 31 වන මැරීන් ගවේෂණ ඒකකය (MEU) මෙලෙස මැදපෙරදිග කලාපය වෙත කැඳවා ඇති බව අමෙරිකානු ආරක්ෂක අංශ තහවුරු කරයි.
USS Tripoli ඇතුළු ප්රහාරක යුද නෞකා සමඟ එක්ව ක්රියාත්මක වන මෙම බලකායේ ප්රධාන අරමුණ වන්නේ හෝමූස් සමුද්ර සන්ධිය හරහා ගමන් කරන වෙළඳ සහ තෙල් නැව්වලට ඉරානයෙන් එල්ල වන ප්රහාර වැළැක්වීමයි. පසුගිය සති දෙක තුළ අමෙරිකාව සහ ඊශ්රායලය විසින් ඉරානයට එල්ල කළ දැවැන්ත ප්රහාරවලින් පසු, ඉරානය විසින් මෙම මුහුදු සීමාවේ නෞකා ගමනාගමනයට බාධා පමුණුවමින් සිටින අතර එය ගෝලීය බලශක්ති සැපයුමට දැඩි තර්ජනයක් වී තිබේ.
මෙම හදිසි මෙහෙයුම් බලකාය යෙදවීමත් සමඟ අරාබි ගල්ෆ් කලාපයේ යුදමය උණුසුම තවදුරටත් ඉහළ ගොස් ඇති බව දේශපාලන විචාරකයෝ පෙන්වා දෙති.
