ඉන්දියාවේ උත්තර ප්රදේශ් ප්රාන්තයේ ජෙවාර් (Jewar) හි පිහිටි නොයිඩා ජාත්යන්තර ගුවන්තොටුපොළ (Noida International Airport) එළඹෙන මාර්තු 28 වනදා විවෘත කිරීමට සියලු කටයුතු සූදානම් කර තිබේ. උත්තර ප්රදේශ් මහ ඇමති යෝගී ආදිත්යනාත් මහතා ප්රකාශ කර සිටින්නේ මෙම සමාරම්භක උත්සවය සඳහා ඉන්දීය අග්රාමාත්ය නරේන්ද්ර මෝදි මහතාට නිල වශයෙන් ආරාධනා කර ඇති බවත්, ඔහු ඊට සහභාගී වීමට බොහෝ දුරට ඉඩ ඇති බවත්ය.
මෙම ගුවන්තොටුපොළ ඉන්දියාවේ විශාලතම ගුවන්තොටුපොළ ලෙස හැඳින්වෙන අතර, එමගින් ප්රාන්ත ආර්ථිකයට ඉන්දීය රුපියල් ලක්ෂයකට අධික දායකත්වයක් ලැබෙනු ඇතැයි අපේක්ෂා කෙරේ. සිවිල් ගුවන් සේවා අධ්යක්ෂ ජනරාල් කාර්යාලය (DGCA) විසින් ගුවන් ගමන් මෙහෙයුම් සඳහා අවශ්ය බලපත්රය ලබා දීමෙන් පසු, දේශීය මගී ප්රවාහන සහ භාණ්ඩ ප්රවාහන සේවා ආරම්භ කිරීමට දැන් මග විවර වී ඇත. වසර නවයක සිය පාලන කාලය සැමරීම වෙනුවෙන් පැවැති උත්සවයකදී මහ ඇමතිවරයා මෙම විශේෂ ප්රකාශය සිදු කර තිබේ.
