උතුරු කොරියාවේ උත්තරීතර මහජන සභාව සඳහා පසුගිය 15 වැනිදා පැවැත්වුණු 15 වැනි මහා මැතිවරණයෙන් නායක කිම් ජොන් උන්ගේ පාලක කම්කරු පක්ෂය ප්රමුඛ සන්ධානය 99.93% ක අතිවිශිෂ්ට ඡන්ද ප්රතිශතයක් ලබා ගැනීමට සමත්ව තිබේ. කෙසේ වෙතත්, මෙම මැතිවරණ ක්රියාවලිය ප්රජාතන්ත්රවාදී සම්ප්රදායන්ගෙන් බැහැර වූවක් බව දේශපාලන විචාරකයෝ පෙන්වා දෙති. එක් ආසනයකට පාලක පක්ෂය විසින් තීරණය කරන ලද එක් අපේක්ෂකයෙකු පමණක් ඉදිරිපත් වන අතර, ඡන්දදායකයන්ට රහසිගතව තම විරෝධය පළ කිරීමට ප්රායෝගිකව අවස්ථාවක් නොමැති වීම මෙම ඉහළ ප්රතිශතයට හේතුවී ඇති බව බටහිර විශ්ලේෂකයින්ගේ මතයයි.
