මෙරට ඉන්ධන බෙදාහැරීමේ ක්රියාවලිය විධිමත් කිරීම සඳහා හඳුන්වා දී ඇති QR කේත පද්ධතිය සඳහා අද (19) සවස 06:13 වන විට අලුතින් ලියාපදිංචි වූ සංඛ්යාව 503,236ක් ලෙස වාර්තා වන බව ඩිජිටල් ආර්ථික අමාත්යාංශය නිවේදනය කරයි. මෙම කැපී පෙනෙන වර්ධනයත් සමඟ අද සවස 06:00 වන විට පද්ධතිය තුළ ලියාපදිංචි වී ඇති සමස්ත වාහන හිමියන් සංඛ්යාව 5,603,104ක් දක්වා ඉහළ ගොස් තිබේ. පවතින බලශක්ති අර්බුදය හමුවේ ඉන්ධන ලබාගැනීම සඳහා ජනතාව දක්වන උනන්දුව මෙම දත්ත මගින් මනාව පිළිබිඹු වේ.
පසුගිය දින කිහිපය තුළ පද්ධතියට එක්වූ නව ලියාපදිංචි වීම් පිළිබඳව ද අමාත්යාංශය වැඩිදුරටත් කරුණු අනාවරණය කළේය. ඒ අනුව, මාර්තු 15 වනදා 42,899ක් ද, මාර්තු 16 වනදා 337,068ක් ද, මාර්තු 17 වනදා 395,349ක් ද සහ මාර්තු 18 වනදා 301,463ක් ලෙස දෛනිකව ඉහළ ලියාපදිංචි වීම් ප්රමාණයක් වාර්තා වී තිබේ. අද දිනයේ වාර්තා වූ ලක්ෂ පහකට අධික ලියාපදිංචි වීම් සංඛ්යාව මෙම සතිය තුළ වාර්තා වූ ඉහළම අගය ලෙස සලකනු ලබයි.
ඉන්ධන පෝලිම් පාලනය කිරීමට සහ සාධාරණ ලෙස ඉන්ධන බෙදාහැරීමට මෙම ඩිජිටල් ක්රමවේදය අතිශය වැදගත් වන බව රජය අවධාරණය කරයි. ලියාපදිංචි වීමේදී ඇතිවන තාක්ෂණික ගැටලු අවම කිරීමට ඩිජිටල් ආර්ථික අමාත්යාංශය පියවර ගෙන ඇති අතර, ජනතාවට බාධාවකින් තොරව සිය ලියාපදිංචි වීම් සිදු කිරීමට පහසුකම් සලසා ඇත. ඉදිරි දිනවලදී ද මෙම සංඛ්යාව තවදුරටත් ඉහළ යනු ඇතැයි බලධාරීහු අපේක්ෂා කරති.
