ශ්රී ලංකාවේ ප්රතිජීවක (Antibiotics) සහ අතිරේක හෝමෝනවලින් තොර කුකුළු මස් නිෂ්පාදනයේ පුරෝගාමියා වන New Anthoney’s Farms සමාගම, අඛණ්ඩව තෙවන වරටත් “Healthy Living Expo 2026” සෞඛ්ය සහ යහපැවැත්ම පිළිබඳ ප්රදර්ශනයට සහභාගී විය. කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී (BMICH) මාර්තු 6 සිට 8 දක්වා පැවැති මෙම ප්රදර්ශනය, මෙවර Medicare 2026 ජාත්යන්තර සෞඛ්ය ප්රදර්ශනයේ 15 වන අදියරට සමගාමීව සංවිධානය කර තිබුණි.
මෙම වසර New Anthoney’s Farms සමාගමට සුවිශේෂී වන්නේ ඔවුන් සිය ව්යාපාරික ගමන්මගෙහි 40 වන සංවත්සරය සමරන බැවිනි. “ලෙඩ වීමට පෙර සුවතාවය රැකගැනීම” යන දර්ශනය පෙරදැරිව, ප්රතිජීවකවලින් තොර පෝෂ්යදායී කුකුළු මස් පාරිභෝගිකයා වෙත ලබාදීම හරහා ජාතික ආහාර සුරක්ෂිතතාවයට දක්වන දායකත්වය පිළිබඳව මෙහිදී මහජනතාව දැනුවත් කෙරිණි. සමාගමේ ප්රධාන විධායක නිලධාරී නීල් සුරවීර මහතා සඳහන් කළේ, ගොවිපළේදී ගනු ලබන නිවැරදි තීරණ පවුලක සෞඛ්ය සම්පන්න ජීවිතයකට මුල්ගල වන බවයි.
