ඇමරිකානු ජනාධිපති ඩොනල්ඩ් ට්රම්ප්, ඉරානය සමඟ පවතින යුදමය තත්ත්වය ඉදිරි සති කිහිපය තුළ අවසන් කිරීමට අපේක්ෂා කරන බව සිය සමීපතම නිලධාරීන්ට දැනුම් දී තිබේ. ඊයේ (2026 මාර්තු 25) වොෂින්ටන් නුවර පැවැති රිපබ්ලිකන් පක්ෂයේ වාර්ෂික අරමුදල් රැස් කිරීමේ රාත්රී භෝජන සංග්රහයට එක්වෙමින් ඔහු මේ බව ඉඟි කර ඇත. යුද්ධය ආරම්භ වී මාසයක් පමණ ගතවී ඇති මෙම අවස්ථාවේදී, එය තවදුරටත් ඇදී යාමට ඉඩ නොතබා සති හයක් වැනි කෙටි කාලසීමාවක් තුළ අවසන් කිරීම ට්රම්ප්ගේ ඉලක්කය වී තිබේ.
ධවල මන්දිර ආරංචි මාර්ග පවසන පරිදි, මැයි මස මැද භාගයේදී චීන ජනාධිපති ෂී ජින්පින් හමුවීමට පෙර මෙම යුද මෙහෙයුම් අවසන් කිරීමට ජනාධිපතිවරයා දැඩි උත්සාහයක නිරත වේ. එම ඓතිහාසික චීන සංචාරයට පෙර මැදපෙරදිග කලාපයේ ස්ථාවරත්වය ඇති කිරීම ට්රම්ප් පාලන අධිකාරියේ ප්රධාන බලාපොරොත්තුවයි. මේ වන විටත් යුද්ධය එහි අවසන් අදියරට පැමිණ ඇති බව ජනාධිපතිවරයා පෞද්ගලිකව සිය උපදේශකයින්ට පවසා ඇති බව ‘වෝල් ස්ට්රීට් ජර්නල්’ (WSJ) පුවත්පත වාර්තා කරයි.
