නොමේරූ බිළිඳුන් සඳහා නිපදවන ලද කිරිපිටි වර්ගයක් මඟින් මාරාන්තික බඩවැල් රෝගයක් වැළඳිය හැකි බවට අනතුරු ඇඟවීමට අපොහොසත් වීම සම්බන්ධයෙන් ඇබට් ලැමොබොරටරීස් (Abbott Laboratories) සමාගම ඩොලර් මිලියන 70ක වන්දියක් ගෙවිය යුතු බවට චිකාගෝ අධිකරණයක ජූරි සභාවක් තීන්දු කර තිබේ. එළකිරි පදනම් කරගෙන නිපදවන ලද මෙම කිරිපිටි භාවිතය නිසා තම දරුවන්ට මාරාන්තික බඩවැල් රෝගයක් වන NEC (Necrotizing Enterocolitis) වැළඳුණු බවට පවුල් කිහිපයක් ගොනු කළ නඩුවක තීන්දුව ප්රකාශයට පත් කරමින් මෙම නියෝගය ලබා දී ඇත.
මෙම තීන්දුව ඇබට් සමාගමට එරෙහිව ගොනු කර ඇති මෙවැනි ආකාරයේ සිය ගණනක් වූ නඩුවල නවතම වර්ධනය වන අතර, මෙහිදී පවුල් හතරක නඩු ඒකාබද්ධව විභාගයට ගන්නා ලදී. NEC රෝගය යනු නොමේරූ බිළිඳුන්ගේ බඩවැල් පටක විනාශ වී මියයෑමට පවා හේතු විය හැකි බරපතල තත්ත්වයකි. කෙසේ වෙතත්, තම නිෂ්පාදන ආරක්ෂිත බවත් රෝගය වැළඳීමට වෙනත් වෛද්යමය හේතූන් බලපා ඇති බවත් පවසමින් ඇබට් සමාගම මෙම චෝදනා ප්රතික්ෂේප කර සිටියද, ජූරි සභාවේ තීරණය වූයේ සමාගම අදාළ අවදානම පිළිබඳව ප්රමාණවත් ලෙස දැනුවත් කර නොමැති බවයි.
