අබුඩාබි හි පිහිටි රුයිස් (Ruwais) කාර්මික සංකීර්ණයේ පහසුකම් පද්ධතියකට එල්ල වූ ඩ්රෝන ප්රහාරයක් හේතුවෙන් හටගත් ගින්නක් සාර්ථකව පාලනය කිරීමට එරට බලධාරීන් සමත්ව තිබේ. අබුඩාබි මාධ්ය කාර්යාලය නිවේදනය කළේ අදාළ අංශ වහාම ක්රියාත්මක වී ගින්න මැඩපැවැත්වූ බවත්, මේ වන විට සිසිල් කිරීමේ මෙහෙයුම් (Cooling operations) සිදුවන බවත්ය.
මෙම සිදුවීමෙන් කිසිදු පුද්ගල තුවාලයක් හෝ ජීවිත හානියක් වාර්තා වී නොමැති බව බලධාරීහු තහවුරු කරති. නිල නොවන මූලාශ්ර මඟින් පැතිර යන කටකතා විශ්වාස නොකරන ලෙසත්, සිදුවීම සම්බන්ධයෙන් නිල තොරතුරු පමණක් ලබා ගන්නා ලෙසත් රජය මහජනතාවගෙන් ඉල්ලා සිටියි. කලාපීය යුදමය වාතාවරණය හමුවේ අතිශය වැදගත් කාර්මික මධ්යස්ථානයක් ඉලක්ක කර ගනිමින් එල්ල වූ මෙම ප්රහාරය පිළිබඳව වැඩිදුර විමර්ශන ක්රියාත්මකයි.
