ඉතාලි සේරී ආ (Serie A) පාපන්දු තරගාවලියේ මිලාන් නගරයේ පසමිතුරු කණ්ඩායම් දෙක වන ඒ.සී. මිලාන් (AC Milan) සහ ඉන්ටර් මිලාන් (Inter Milan) අතර පැවැති තීරණාත්මක තරගයෙන් ගෝල 1-0ක ජයක් වාර්තා කිරීමට ඒ.සී. මිලාන් කණ්ඩායම සමත් විය. මෙම ජයග්රහණයත් සමඟ ප්රසාද ලකුණු සටහනේ පෙරමුණේ පසුවන ඉන්ටර් මිලාන් සහ දෙවන ස්ථානයේ පසුවන ඒ.සී. මිලාන් අතර පරතරය ලකුණු 7ක් දක්වා අඩු කර ගැනීමට ඔවුන්ට හැකි වී තිබේ. තරගාවලිය නිමා වීමට තවත් තරග 10ක් ඉතිරිව තිබියදී ලබාගත් මෙම ජයග්රහණය, මෙවර ශූරතාව දිනාගැනීම සඳහා ඒ.සී. මිලාන් කණ්ඩායමට යළිත් බලාපොරොත්තු ලබා දී ඇත.
තරගයේ 35 වන මිනිත්තුවේදී යූසුෆ් ෆොෆානා ලබා දුන් දක්ෂ පන්දුවක් ආධාරයෙන් පර්විස් එස්ටුපිනන් (Pervis Estupinan) එල්ල කළ ප්රබල පහරකින් මෙම තීරණාත්මක ගෝලය වාර්තා විය. ඊට සුළු මොහොතකට පෙර ඉන්ටර් මිලාන් ක්රීඩක හෙන්රික් මැකිටේරියන් හට ගෝලයක් ලබා ගැනීමට ස්වර්ණමය අවස්ථාවක් හිමි වුවද එය අසාර්ථක විය. තරගයේ අවසන් භාගයේදී ඉන්ටර් මිලාන් කණ්ඩායම ලකුණු සම කිරීමට දැඩි උත්සාහයක නිරත වූවත්, ඒ.සී. මිලාන් ආරක්ෂක පෙළ එය සාර්ථකව මැඩපවත්වන ලදී. මෙම පරාජයත් සමඟ ඉන්ටර් මිලාන් කණ්ඩායම අඛණ්ඩව ලබා සිටි ජයග්රහණ 8ක වාර්තාව බිඳ වැටුණු අතර, නොවැම්බර් මාසයෙන් පසු ඔවුන් ලැබූ පළමු පරාජය මෙය ලෙස සටහන් වේ.
