කටාරයේ ‘අස්-සයිලියා’ (As-Sayliyah) සංක්රමණික කඳවුරේ වසරකට අධික කාලයක් අමෙරිකාව බලා යාමේ අපේක්ෂාවෙන් රැඳී සිටින ඇෆ්ගන් සරණාගතයින් 1,100කට අධික පිරිසක් දැඩි අර්බුදයකට මුහුණ දී සිටිති. තලේබාන් පාලනය යටතේ පවතින ඇෆ්ගනිස්ථානයට යළි යාම මාරාන්තික අනතුරක් බව පවසන ඔවුන්, අමෙරිකානු රජය තමන්ට ලබා දුන් පොරොන්දු කඩ කර ඇති බවට චෝදනා කරති. ට්රම්ප් පරිපාලනය විසින් මෙම කඳවුර එළඹෙන මාර්තු 31 වනදා සිට වසා දැමීමට තීරණය කර ඇති අතර, ඉරානය විසින් කටාරයේ පිහිටි අමෙරිකානු මධ්යස්ථාන ඉලක්ක කර ප්රහාර එල්ල කිරීමත් සමඟ මෙම සරණාගතයින්ගේ ආරක්ෂාව පිළිබඳව දැඩි අවදානමක් මතුව තිබේ. මෙම පිරිස අතර කුඩා ළමයින් සහ ගර්භණී කාන්තාවන් ද සිටින අතර, පවතින යුදමය වාතාවරණය හමුවේ තමන්ට අමෙරිකාවට යාමට එක් වරක් පමණක් අවස්ථාව ලබා දෙන ලෙස ඔවුන් ජනාධිපතිවරයාගෙන් ඉල්ලා සිටිති.
