ශ්රී ලංකාවේ සමස්ත සේවා නියුක්ත ජනගහනයෙන් 22.8% ක් හෙවත් ලක්ෂ 18.3 කට අධික සේවක පිරිසකගේ රැකියා සුරක්ෂිතතාව කෙරෙහි ‘උත්පාදක කෘතිම බුද්ධිය’ (Generative AI) බලපෑම් එල්ල කළ හැකි බව ප්රතිපත්ති අධ්යයන ආයතනයේ (IPS) නවතම පර්යේෂණයකින් හෙළි වී තිබේ.
වැඩිම බලපෑමක් එල්ල වන ක්ෂේත්ර 2023 වසරේ ශ්රම බලකා දත්ත ඇසුරින් සිදුකළ මෙම අධ්යයනයට අනුව, කෘතිම බුද්ධිය නිසා වැඩිම අවදානමකට ලක්ව ඇත්තේ ලිපිකරු සහ සහායක සේවා ක්ෂේත්රයේ නියුතු සේවකයන්ය. එම ක්ෂේත්රයේ පමණක් පුද්ගලයන් 179,290 ක් පමණ සෘජු බලපෑමට ලක්විය හැකි බව වාර්තාව පෙන්වා දෙයි. මීට අමතරව තාක්ෂණික ශිල්පීන් සහ වෘත්තිකයන් ලක්ෂ 1.4 කට පමණ මෙම නව තාක්ෂණය හේතුවෙන් සිය රැකියා කාර්යයන්හි වෙනස්කම් සිදුවනු ඇතැයි අපේක්ෂා කෙරේ.
බලපෑමක් නොවන ක්ෂේත්ර කෙසේ වෙතත්, ශ්රී ලංකාවේ ශ්රම බලකායෙන් විශාල පිරිසකට මෙමගින් සෘජු බලපෑමක් එල්ල නොවන බව ද IPS වාර්තාව පවසයි. විශේෂයෙන්ම:
– ප්රාථමික ශ්රේණිවල රැකියා (ලක්ෂ 18.3)
– කෘෂිකාර්මික හා වන වගා ක්ෂේත්ර (ලක්ෂ 12.1)
හස්ත කර්මාන්ත හා අදාළ වෘත්තීන් (ලක්ෂ 11.0) යන ක්ෂේත්රවල සේවකයන්ට කෘතිම බුද්ධියෙන් එල්ල වන බලපෑම ඉතා අවම හෝ නොපවතින මට්ටමක පවතී.
ඩිජිටල් සාක්ෂරතාවයේ පවතින ගැටලුව මෙම පර්යේෂණය මගින් හෙළි වී ඇති තවත් විශේෂ කරුණක් වන්නේ තාක්ෂණික බලපෑමට ලක්විය හැකි ලක්ෂ 18 ක පිරිස අතරින් ඩිජිටල් සාක්ෂරතාව පවතින්නේ සහ පරිගණක/අන්තර්ජාල පහසුකම් සහිත සේවා ස්ථානවල නිරතව සිටින්නේ 26.3% ක් (පුද්ගලයන් 480,543) වැනි සුළු පිරිසක් පමණක් බවයි.
පවතින දත්ත විශ්ලේෂණය කිරීමට වඩා අලුතින් අන්තර්ගතයන් නිර්මාණය කිරීමේ හැකියාව ඇති GenAI තාක්ෂණය, අනාගතයේදී මෙරට රැකියා වෙළඳපොළේ ව්යුහය සැලකිය යුතු ලෙස වෙනස් කරනු ඇති බවට ද ප්රතිපත්ති අධ්යයන ආයතනය අනතුරු අඟවා සිටියි.
