පසුගිය පෙබරවාරි 28 වනදා සිට මැදපෙරදිග කලාපයේ හටගත් දරුණු යුදමය වාතාවරණය හමුවේ ලොව ප්රධානතම බලශක්ති සැපයුම් මාර්ගය වන හෝමුස් සමුද්ර සන්ධිය (Strait of Hormuz) ඉරානය විසින් වසා දැමීමත් සමඟ යුරෝපය දැඩි බලශක්ති අර්බුදයකට මුහුණ දී සිටී. මෙම තත්ත්වය හමුවේ ඇල්ජීරියාව යුරෝපයේ බලශක්ති සුරක්ෂිතතාව වෙනුවෙන් තීරණාත්මක මැදිහත්කරුවෙකු ලෙස ඉදිරියට පැමිණෙමින් තිබේ.
ඉරානයේ උත්තරීතර නායකයා ඇතුළු ප්රබලයන් ඉලක්ක කර අමෙරිකාව සහ ඊශ්රායලය එල්ල කළ ප්රහාරවලට ප්රතිචාර ලෙස ඉරානය හෝමුස් සමුද්ර සන්ධිය අවහිර කළේය. මේ හේතුවෙන් දිනකට නෞකා 135ක් පමණ ගමන් කළ මෙම මාර්ගයේ මේ වන විට සුපිරි තෙල් නැව් සහ ගෑස් ප්රවාහන නෞකා 350කට අධික ප්රමාණයක් සිරවී ඇති බව වාර්තා වේ. කටාර්හි ගෑස් නිෂ්පාදන මධ්යස්ථාන වෙත එල්ල වූ ප්රහාර නිසා ලෝක වෙළඳපොළේ ගෑස් මිල 60% සිට 100% දක්වා ඉහළ ගොස් ඇති අතර බොරතෙල් බැරලයක මිල ඩොලර් 116 සීමාව ඉක්මවා ගොස් තිබේ.
බලශක්ති විශේෂඥ හෂෙම් අක්ල් පවසන පරිදි, ඇල්ජීරියාව දැනට යුරෝපයට ගෑස් සපයන ප්රධාන රටක් වුවද, කටාර් රාජ්යයෙන් ලැබුණු දැවැන්ත සැපයුම මුළුමනින්ම පියවීමට ඇල්ජීරියාවට පමණක් හැකියාවක් නොමැත. කෙසේ වෙතත්, රුසියානු ගෑස් සැපයුම නතර වීමෙන් පසු පීඩාවට පත්ව සිටි යුරෝපයට ඇල්ජීරියාව මේ මොහොතේ “ආරක්ෂිත කපාටයක්” (Safety valve) ලෙස ක්රියා කරමින් සිටින බව පෙනේ.
