ඉරානයේ ජාතික ආරක්ෂක මණ්ඩලයේ ලේකම් සහ එරට ප්රමුඛතම දේශපාලන චරිතයක් වන අලි ලාරිජානි (Ali Larijani) ඊශ්රායල ගුවන් ප්රහාරයකින් ඝාතනය වී ඇති බව ඉරාන රජය නිල වශයෙන් තහවුරු කර තිබේ. මීට අමතරව ඉරාන අභ්යන්තර ආරක්ෂක බලකාය වන බසීජ් (Basij) මිලීෂියාවේ අණදෙන නිලධාරී බ්රිගේඩියර් ජෙනරාල් ගොලම්රේසා සුලෙයිමාන් (Gholamreza Soleimani) ද එම ප්රහාරවලින්ම ජීවිතක්ෂයට පත්ව ඇත
ඉරානයේ ‘මෙහර්’ (Mehr) පුවත් සේවයට අනුව එරට ජාතික ආරක්ෂක මණ්ඩලය ලාරිජානිගේ මරණය තහවුරු කර ඇති අතර ඔහු සමඟ ඔහුගේ පුත් මොර්ටේසා ලාරිජානි සහ ආරක්ෂක නිලධාරීන් පිරිසක් ද මියගොස් ඇත
පසුගිය පෙබරවාරි 28 වනදා යුද්ධය ආරම්භයේදීම ඉරාන උත්තරීතර නායක අයතුල්ලා අලි කමේනි ඝාතනය කිරීමෙන් පසු අමෙරිකානු-ඊශ්රායල ප්රහාරවලින් මියගිය ඉහළම පෙළේ ඉරාන නිලධාරියා අලි ලාරිජානි වේ
ලාරිජානි සහ සුලෙයිමාන් ඉලක්ක කර ගනිමින් ටෙහෙරාන් අගනුවර ආරක්ෂිත නිවසක් වෙත ටොන් එකේ බෝම්බ 20ක් පමණ යොදාගෙන මෙම ප්රහාරය එල්ල කර ඇති බව විදෙස් වාර්තා පවසයි
ඉරාන පාර්ලිමේන්තුවේ හිටපු කථානායකවරයෙකු සහ ප්රධාන න්යෂ්ටික සාකච්ඡාකරුවෙකු වූ ලාරිජානිගේ අභාවය ඉරානයේ යුදමය මෙන්ම දේශපාලන මෙහෙයුම්වලට එල්ල වූ දැවැන්ත පහරක් ලෙස සැලකේ
මෙම ඝාතනවලට ප්රතිචාර වශයෙන් ඉරානය විසින් අද (18) අලුයම බැග්ඩෑඩ්හි අමෙරිකානු තානාපති කාර්යාලයට සහ එක්සත් අරාබි එමීර් රාජ්යයේ ඉලක්ක වෙත ඩ්රෝන ප්රහාර එල්ල කර ඇති අතර එම කලාපයේ ආරක්ෂක තත්ත්වය තවදුරටත් දැඩි වී ඇත
ඝාතනයට ලක්වූ ඉරාන නිලධාරීන්ගේ අවමංගල්ය උත්සව අද (18) ටෙහෙරානයේදී පැවැත්වීමට නියමිත බව ඉරාන මාධ්ය වැඩිදුරටත් වාර්තා කරයි
