අලුත් අවුරුදු සමයේ මත්පැන් පානය කර රිය පදවන පුද්ගලයන් අත්අඩංගුවට ගැනීම සඳහා විශේෂ මෙහෙයුමක් ආරම්භ කර ඇති බව පොලිසිය පවසයි. රථ වාහන පාලන සහ මාර්ග ආරක්ෂාව භාර නියෝජ්ය පොලිස්පති ඩබ්ලිව්.පී.ජේ. සේනාධීර මහතා සඳහන් කළේ, නොසැලකිලිමත් ලෙස රිය ධාවනය කිරීමෙන් සිදුවන අනතුරු අවම කරගැනීම සඳහා මෙම වැඩපිළිවෙළ ක්රියාත්මක කරන බවයි. මීට අමතරව, උත්සව සමයේ රටේ ආරක්ෂාව තහවුරු කිරීම වෙනුවෙන් දිවයින පුරා පොලිස් නිලධාරීන් 8,000ක් යොදවා තිබේ.
බස්නාහිර පළාතේ විශේෂ ආරක්ෂාව සඳහා පමණක් පොලිස් නිලධාරීන් 2,500ක් යොදවා ඇති බව පොලිස් මූලස්ථානය වැඩිදුරටත් කියා සිටියේය. ජනතාව ගැවසෙන ප්රසිද්ධ ස්ථාන සහ වෙළඳ මධ්යස්ථාන ආශ්රිතව සිදුවිය හැකි අපරාධ වැළැක්වීමට මෙම නිලධාරීන් සේවයේ යොදවා ඇත. උත්සව සමයේ මාර්ග නීති පිළිපදිමින් වගකීමෙන් යුතුව කටයුතු කරන ලෙස පොලිසිය ජනතාවගෙන් ඉල්ලා සිටී.
