අම්බලන්තොට, උඩ බැරගම මාර්ගයේදී අද (අප්රේල් 10) සිදුවූ රිය අනතුරකින් පාසල් සිසුවෙකු ජීවිතක්ෂයට පත්ව තවත් සිසුවෙකු බරපතළ තුවාල ලබා තිබේ. යතුරුපැදියකින් ගමන් කරමින් සිටි පාසල් සිසුන් දෙදෙනෙකු මාර්ගයේ පෙරළී ගොස් එම අවස්ථාවේම පැමිණි ටිපර් රථයකට යටවීමෙන් මෙම ඛේදවාචකය සිදුව ඇති බව පොලිසිය පවසයි.
මෙම අනතුරින් අවාසනාවන්ත ලෙස ජීවිතක්ෂයට පත්ව ඇත්තේ බෝලාන මහා විද්යාලයේ 11 වන ශ්රේණියේ ඉගෙනුම ලැබූ 16 හැවිරිදි ආර්.එම්. සෙනෙත් අවිශ්ක නැමති සිසුවෙකි. තුවාල ලැබූ අනෙක් සිසුවා වැඩිදුර ප්රතිකාර සඳහා හම්බන්තොට මහ රෝහල වෙත ඇතුළත් කර ඇති අතර ඔහුගේ තත්ත්වය බරපතළ බව වාර්තා වේ.
අනතුරට සම්බන්ධ ටිපර් රථයේ රියදුරු අම්බලන්තොට පොලිසිය විසින් අත්අඩංගුවට ගෙන ඇත. සිද්ධිය සම්බන්ධයෙන් පොලිසිය වැඩිදුර විමර්ශන පවත්වයි.
