වයස අවුරුදු 13ට අඩු දරුවන්ට පූර්ණ තහනමක් පැනවීමට අවධානයදින 90ක් ඇතුළත නව ප්රතිපත්තිය ක්රියාත්මක කිරීමට මහ ඇමතිගෙන් උපදෙස්වයස අවුරුදු 13ට අඩු දරුවන් සඳහා සමාජ මාධ්ය භාවිතය තහනම් කිරීමට ආන්ධ්රා ප්රදේශ් රජය සලකා බලමින් සිටින බව මහ ඇමති එන්. චන්ද්රබාබු නායිදු මහතා අද (06) ප්රකාශ කළේය. ආන්ධ්රා ප්රදේශ් ව්යවස්ථාදායක සභාව අමතමින් ඔහු කියා සිටියේ, ඉදිරි දින 90 ඇතුළත මේ සම්බන්ධයෙන් වූ නව ප්රතිපත්තියක් හඳුන්වා දීමට රජය සූදානම් බවයි.මෙම තීරණයට සමගාමීව කර්නාටක මහ ඇමති සිද්ධරාමයියා මහතා ද සිය අයවැය ඉදිරිපත් කරමින් ප්රකාශ කළේ, වයස අවුරුදු 16ට අඩු දරුවන් සඳහා කර්නාටක ප්රාන්තය තුළ සමාජ මාධ්ය තහනම් කිරීමට පියවර ගන්නා බවයි. දරුවන්ගේ මානසික සෞඛ්යය සුරැකීම සහ තාක්ෂණය අවභාවිතයෙන් සිදුවන හානිය වැළැක්වීම මෙම පියවරවල ප්රධාන අරමුණ වී තිබේ.චන්ද්රබාබු නායිදු මහතා වැඩිදුරටත් සඳහන් කළේ, වයස අවුරුදු 13 ත් 16 ත් අතර නව යොවුන් දරුවන් සඳහා සමාජ මාධ්ය නියාමනය කිරීම සම්බන්ධයෙන් ද මේ වන විට සාකච්ඡා පවත්වන බවයි. සමාජ මාධ්ය ඇබ්බැහිය නිසා දරුවන්ගේ අධ්යාපනය සහ අනාගතය විනාශ වීම වැළැක්වීමට මෙම තීරණය ඉතා වැදගත් වනු ඇතැයි රජය විශ්වාස කරයි
