පවතින රජයේ ක්රියාකලාපය විවේචනය කරමින් පාර්ලිමේන්තු මන්ත්රී අනුරාධ ජයරත්න මහතා පවසන්නේ, පාලනය පිළිබඳ අත්දැකීම් නොමැති වත්මන් කණ්ඩායමට රට පවත්වාගෙන යාමේ හැකියාවක් නොමැති බව තමන් මුල සිටම ප්රකාශ කළ බවයි. උද්දච්ච ලෙස කටයුතු නොකර, දැනුම සහ පළපුරුද්ද ඇති පිරිස් සම්බන්ධ කරගනිමින් රට නිසි ලෙස කළමනාකරණය කළ යුතු බවට වූ පණිවිඩය රජයට ලබා දිය යුතු බව ඔහු අවධාරණය කරයි.
රටේ පවතින සැබෑ තත්ත්වය වටහා ගැනීමට නම් අසල ඇති ඉන්ධන පිරවුම්හලකට ගොස් ජනතාව පෝලිම්වල සිටින ආකාරය නිරීක්ෂණය කරන ලෙස මන්ත්රීවරයා ආණ්ඩුවට අභියෝග කළේය. මැදපෙරදිග අර්බුදය හමුවේ මතුව ඇති බලශක්ති ගැටලුව කළමනාකරණය කිරීමට රජය අපොහොසත් වීම නිසා සාමාන්ය ජනතාව යළිත් පීඩාවට පත්ව ඇති බව ඔහු වැඩිදුරටත් සඳහන් කළේය.
