Apple සමාගම සිය නවතම උපාංග සඳහා නිල ස්වයං-අලුත්වැඩියා (Self-repair) අමතර කොටස් අලෙවි කිරීම ආරම්භ කර තිබේ. මේ යටතේ අලුතින් නිකුත් වූ MacBook Neo සහ iPhone 17e ඇතුළු නිෂ්පාදන කිහිපයක් සඳහා අවශ්ය අමතර කොටස් සහ මෙවලම් දැන් ඔවුන්ගේ ‘Self Service Repair Store’ හරහා ලබාගත හැකි බව වාර්තා වේ.
මීට අමතරව iPad Air M4, MacBook Air M5, MacBook Pro M5 මාදිලි සහ නව Studio Display නිෂ්පාදන සඳහා ද මෙම පහසුකම ව්යාප්ත කර ඇත. මෙහි ඇති විශේෂත්වය වන්නේ ස්මාර්ට් දුරකථන සහ ලැප්ටොප් පරිගණකවලින් ඔබ්බට ගොස් Studio Display වැනි සංකීර්ණ තිර (Displays) සඳහා ද අමතර කොටස් ලබා දීමට Apple සමාගම පියවර ගැනීමයි. පරිශීලකයන්ට අවශ්ය කොටස් සහ මෙවලම් මිලදී ගැනීමට හෝ කුලියට ගැනීමට (Rent) හැකි අතර, නිල අලුත්වැඩියා අත්පොත් (Manuals) භාවිතයෙන් තමන්ටම අලුත්වැඩියා කටයුතු සිදු කරගත හැක.
විශේෂයෙන්ම MacBook Neo මාදිලිය පහසුවෙන් අලුත්වැඩියා කළ හැකි (Repair-friendly) උපාංගයක් ලෙස හඳුනාගෙන ඇති අතර, එය ඉක්මනින්ම මෙම වැඩසටහනට ඇතුළත් කිරීම මඟින් පාරිභෝගිකයන්ට නිල අමතර කොටස් ලබා ගැනීමේ අවස්ථාව උදාවී තිබේ. මෙමඟින් නිල සේවා මධ්යස්ථාන වෙතම යෑම වෙනුවට පාරිභෝගිකයාට සිය උපාංගයේ අයිතිය සහ අලුත්වැඩියා කිරීමේ අයිතිය (Right to repair) තහවුරු කිරීමට Apple සමාගම උත්සාහ කර ඇත.
