යේමනයේ හොඩෙයිඩා (Hodeidah) වෙරළට ඔබ්බෙන් වූ රතු මුහුදේ යාත්රා කරමින් තිබූ නෞකාවකට සන්නද්ධ පිරිසක් රැගත් කුඩා යාත්රාවක් (skiff) මගින් බාධා කිරීමට උත්සාහ කර තිබේ. එක්සත් රාජධානියේ සමුද්රීය වෙළඳ මෙහෙයුම් මධ්යස්ථානය (UKMTO) නිවේදනය කළේ හොඩෙයිඩා නගරයේ සිට නාවික සැතපුම් 54ක් නිරිත දෙසින් මෙම සිදුවීම වාර්තා වූ බවයි.
ස්වයංක්රීය ගිනිඅවිවලින් සන්නද්ධ වූ පුද්ගලයින් 4-5 දෙනෙකු ඇතුළු 10-12 දෙනෙකුගෙන් යුත් පිරිසක් මෙම කුඩා යාත්රාවේ සිට ඇති අතර, ඔවුන් නෞකාව නතර කරන ලෙස නියෝග කර ඇත. කෙසේ වෙතත්, නෞකාවේ අණදෙන නිලධාරියා එම නියෝගය ප්රතික්ෂේප කර නෞකාවෙන් ආලෝක සංඥා (flare) නිකුත් කිරීමත් සමඟ සන්නද්ධ පිරිස සිය උත්සාහය අතහැර පසුබැස තිබේ. මෙම සිදුවීමෙන් නෞකාවට හෝ එහි කාර්ය මණ්ඩලයට කිසිදු හානියක් සිදුව නොමැති අතර, නෞකාව ආරක්ෂිතව සිය ගමනාන්තය වෙත යාත්රා කරන බව වාර්තා වේ.
තොරතුරු උපුටා ගැනීම: Reuters(x) ඇසුරින්
