ශ්රී ලංකාවේ ප්රමුඛතම අධ්යාපනික සන්නාමය වන ඇට්ලස් (Atlas) විසින් සංවිධානය කරන ලද ‘සිප්සවි නත්තල් පොරොන්දුව’ ජාතික වැඩසටහන මහජන සහභාගීත්වයෙන් සාර්ථකව නිමාවට පත් විය. ආර්ථික දුෂ්කරතා හේතුවෙන් පාසල් අධ්යාපනය අතහැර යාමේ අවදානමට ලක්ව සිටින දරුවන්ට අත්වැලක් වීම මෙහි මූලික අරමුණ වූ අතර, ඒ හරහා දිවයින පුරා සිසුන් 10,000කට ප්රතිලාභ සැලසීමට ඇට්ලස් ආයතනය සමත් වී තිබේ. වාර්ෂිකව ශ්රී ලාංකික දරුවන් 22,000කට අධික පිරිසක් විවිධ අභියෝග මධ්යයේ පාසල් ගමන නතර කරන පසුබිමක, ඇට්ලස් සිප්සවි වැඩසටහනේ ‘කිසිදු දරුවෙකු මගනොහරිමු’ (No Child Left Behind) යන පොරොන්දුව යථාර්ථයක් කරමින් මෙම ව්යාපෘතිය ක්රියාත්මක විය.
මෙම වැඩසටහන යටතේ මහජනතාවගෙන් පොත්පත් පරිත්යාග කිරීමට ආරාධනා කෙරුණු අතර, මහජනයා ලබා දෙන සෑම පොතක් වෙනුවෙන්ම තවත් පොතක් බැගින් (one-for-one) පරිත්යාග කිරීමට ඇට්ලස් ආයතනය කටයුතු කළේය. දිවයින පුරා පිහිටි සියලුම කීල්ස් (Keells) සුපිරි වෙළඳසැල් සහ සර්වෝදය දිස්ත්රික් කාර්යාලවල ස්ථාපිත කර තිබූ එකතු කිරීමේ මධ්යස්ථාන හරහා ජනතාව විශාල වශයෙන් මේ සඳහා දායකත්වය ලබා දී තිබේ. මෙලෙස රැස් කරන ලද අත්යවශ්ය ඉගෙනුම් ද්රව්ය, ආර්ථික අපහසුතාවලින් පීඩා විඳින සහ මෑතකදී ඇති වූ අයහපත් කාලගුණයෙන් පීඩාවට පත් වූ දරුවන් අතර බෙදා දීමට පියවර ගැනුණි.
ඇට්ලස් ඇක්සිලියා සමාගමේ අලෙවි සාමාන්යාධිකාරී කසුනි බණ්ඩාර මහත්මිය සඳහන් කළේ, වගකිවයුතු සන්නාමයක් ලෙස පාරිභෝගිකයන්ද මෙම ජාතික ප්රයත්නයට දායක කර ගැනීම වැදගත් බවයි. කාලෝචිත සහයෝගය හරහා අභියෝග මධ්යයේ වුවද දරුවන්ගේ ඉගෙනීමේ උනන්දුව පවත්වා ගැනීමට හැකි බව වසර ගණනාවක අත්දැකීම් තුළින් තහවුරු වී ඇති බව ඇය වැඩිදුරටත් පැවසුවාය. ඇට්ලස් සිප්සවි වැඩසටහන හරහා ශිෂ්යත්ව, ඉගෙනුම් මෙවලම් සහ යටිතල පහසුකම් සංවර්ධනය කරමින් දරුවන්ගේ අධ්යාපනික සිහිනය සාර්ථක කර ගැනීමට ඉදිරියටත් නොකඩවා සහය ලබා දෙන බව ඇට්ලස් ආයතනය යළිත් සහතික කරයි.
