ශ්රී ලංකාව ඔස්ට්රේලියානු සංචාරකයන් සඳහා ‘අධි අවදානම්’ ගමනාන්තයක් ලෙස වර්ගීකරණය කර ඇති බවට සමාජ මාධ්ය ඔස්සේ පැතිර යන වාර්තා කොළඹ පිහිටි ඔස්ට්රේලියානු මහකොමසාරිස් කාර්යාලය නිල වශයෙන් ප්රතික්ෂේප කර තිබේ. ශ්රී ලංකාව සම්බන්ධයෙන් ඔස්ට්රේලියාව නිකුත් කර ඇති නිල සංචාරක උපදෙස් මට්ටමේ (Travel Advisory) කිසිදු වෙනසක් සිදු කර නොමැති බව එම කාර්යාලය අවධාරණය කරයි.
සමාජ මාධ්ය ජාලාවල සංසරණය වන ඇතැම් පණිවුඩ මගින් මෙම සංචාරක උපදේශනයන් වැරදි ලෙස අර්ථකථනය කර ඇති බව මහකොමසාරිස් කාර්යාලය පෙන්වා දෙයි. එබැවින්, වැරදි තොරතුරුවලට නොරැවටී නිවැරදි සහ යාවත්කාලීන තොරතුරු ලබාගැනීම සඳහා ඔස්ට්රේලියානු රජයේ නිල ‘ස්මාර්ට්රේවෙලර්’ (Smartraveller) වෙබ් අඩවිය පමණක් පරිශීලනය කරන ලෙස ඔවුන් සංචාරකයන්ගෙන් ඉල්ලා සිටියි.
මැදපෙරදිග පවතින යුදමය වාතාවරණය හමුවේ වුවද, ශ්රී ලංකාව සංචාරකයන් සඳහා ආරක්ෂිත රටක් ලෙස පවතින බව මෙම නිවේදනය මගින් යළිත් තහවුරු වේ. සංචාරක ක්ෂේත්රය මෙරට ආර්ථිකයට තීරණාත්මක බලපෑමක් කරන මොහොතක, මෙවැනි අසත්ය ප්රචාරයන් පිළිබඳව අවධානයෙන් පසුවීම වැදගත් බව බලධාරීහු පවසති.
