ලොව පුරා ගුවන් සමාගම් රැසක් භාවිතා කරන Navitaire වෙන්කරවා ගැනීමේ සහ පිටත්වීමේ පාලන පද්ධතියේ (Reservation and Departure Control System) ඇති වූ හදිසි බිඳවැටීමක් හේතුවෙන් අද (19) පෙරවරුවේ ඉන්දියාවේ සහ යුරෝපයේ ගුවන් මෙහෙයුම්වලට බාධා එල්ල වී තිබේ. ඉන්දියාවේ එයාර් ඉන්දියා (Air India) හැර එම පද්ධතිය භාවිතා කරන සෙසු සියලුම ගුවන් සමාගම් මෙහි බලපෑමට ලක්ව ඇති බව වාර්තා වේ.
විශේෂයෙන්ම IndiGo, Air India Express, Akasa Air සහ SpiceJet යන ගුවන් සමාගම්වල චෙක්-ඉන් සහ බෝඩිං (Boarding) කටයුතු උදෑසන 6:45 සිට 7:28 දක්වාත්, නැවතත් 8:10 සිට 8:25 දක්වාත් වරින් වර අඩාල වී ඇත. මේ හේතුවෙන් දිල්ලි ඉන්දිරා ගාන්ධි ජාත්යන්තර ගුවන්තොටුපළ ඇතුළු ප්රධාන ගුවන්තොටුපළ රැසක මගීන් විශාල ලෙස පෝලිම්වල රැඳී සිටිනු දක්නට ලැබුණි.
දිල්ලි නුවර මේ දිනවල පැවැත්වෙන AI Summit සමුළුව සඳහා විදේශීය නියෝජිතයින් විශාල පිරිසක් පැමිණෙමින් සිටීම සහ ඒ ආශ්රිත විශේෂ ආරක්ෂක පියවර (NOTAM) ක්රියාත්මක වීම හේතුවෙන් මෙම පද්ධති බිඳවැටීම ගුවන්තොටුපළ පරිශ්රයේ දැඩි තදබදයක් ඇති කිරීමට හේතු වී තිබේ. කෙසේ වෙතත්, ගුවන් මෙහෙයුම් අතින් සිදු කරන ලද ක්රියාවලිය (Manual Operations) හරහා ප්රමාදයන් අවම කිරීමට බලධාරීන් පියවර ගෙන ඇත.
Amadeus සමාගමට අයත් Navitaire පද්ධතිය යථා තත්ත්වයට පත්වෙමින් පවතින බවත්, මෙතෙක් ගුවන් ගමන් අවලංගු කිරීම් වාර්තා වී නොමැති බවත් ගුවන්තොටුපළ බලධාරීන් වැඩිදුරටත් සඳහන් කළහ.
