බහරේනයේ අගනුවර ආසන්න ප්රදේශයකට එල්ල වූ ඉරාන ඩ්රෝන ප්රහාරයකින් අවම වශයෙන් පුද්ගලයින් 32 දෙනෙකු තුවාල ලබා ඇති බව විදෙස් මාධ්ය වාර්තා කරයි. තුවාල ලැබූවන් සියලු දෙනාම බහරේන් ජාතිකයින් වන අතර, ඔවුන් අතර කුඩා දරුවන් සහ බිළිඳුන් ද සිටීම විශේෂත්වයකි.
ප්රහාරයෙන් තුවාල ලැබූවන් අතර මාස දෙකක් වයසැති බිළිඳෙකු සහ හිසට මෙන්ම ඇසට බරපතළ තුවාල ලැබූ 17 හැවිරිදි දැරියක් ද සිටින බව වාර්තා වේ. තුවාලකරුවන් අතරින් සිව්දෙනෙකුගේ තත්ත්වය අතිශය බරපතළ වන අතර, කුඩා දරුවන් කිහිපදෙනෙකුටම හදිසි ශල්යකර්ම සිදු කිරීමට සිදුව ඇති බව එරට මාධ්ය වැඩිදුරටත් සඳහන් කරයි. මැදපෙරදිග කලාපයේ පවතින උණුසුම්කාරී දේශපාලන වාතාවරණය හමුවේ එල්ල වූ මෙම ප්රහාරය හේතුවෙන් කලාපීය ආරක්ෂාව පිළිබඳව දැඩි අවධානයක් යොමු වී තිබේ.
