මැදපෙරදිග කලාපය තුළ පවතින යුදමය උණුසුම උච්චතම අවස්ථාවකට පත්වෙමින් ඉරානය විසින් එල්ල කරන ලද බැලස්ටික් මිසයිල ප්රහාරයකින් අනතුරුව බහරේනයේ පිහිටි ඇමරිකානු නාවික හමුදා කඳවුරක (US Naval Base) ප්රබල පිපිරීමක් සිදුව ඇති බව වාර්තා වේ. ඉරානය සහ ඊශ්රායලය අතර පවතින සෘජු ගැටුම්කාරී තත්ත්වය හමුවේ ඉරානය විසින් කලාපයේ පිහිටි ඇමරිකානු මූලස්ථාන ඉලක්ක කර ගනිමින් මෙම ප්රහාර මාලාව දියත් කර ඇති බව විදෙස් මාධ්ය පවසයි.
බහරේනයේ පිහිටි ඇමරිකානු පස්වන නාවික බලඇණියේ මූලස්ථානය ආසන්නයේ මෙම පිපිරීම් සිදුව ඇති අතර ඉන් සිදුවූ හානිය පිළිබඳව මෙතෙක් නිල තොරතුරු අනාවරණය වී නොමැත. මෙම තත්ත්වයත් සමඟ මැදපෙරදිග කලාපයේ පවතින අනාරක්ෂිත බව සැලකිල්ලට ගෙන අමෙරිකාව ඇතුළු රටවල් රැසක් තම පුරවැසියන්ට වහාම ඉරානයෙන් සහ අවට කලාපවලින් පිටවන ලෙස මීට පෙරද අනතුරු ඇඟවීම් නිකුත් කර තිබුණි. මෙම ප්රහාරයත් සමඟ කලාපීය යුද්ධයක් දක්වා මෙම තත්ත්වය වර්ධනය වීමේ දැඩි අවදානමක් පවතින බව ආරක්ෂක විචාරකයෝ පෙන්වා දෙති.
