බලංගොඩ – රත්නපුර ප්රධාන මාර්ගයේ මාලිගාතැන්න හෝටලය අසල පිහිටි වංගුවේදී අද (13) උදෑසන 7.30 ට පමණ දරුණු රිය අනතුරක් සිදුව තිබේ. කොළඹ දෙසට ධාවනය වෙමින් තිබූ වෑන් රථයක රියදුරාට නින්ද යාම හේතුවෙන් රථය පාලනය කරගත නොහැකිව මාර්ගයෙන් ඉවතට පැන මෙම අනතුර සිදුව ඇති බව වාර්තා වේ.
මාර්ගයෙන් ඉවතට ලිස්සා ගිය වෑන් රථය අසල පිහිටි නිවසක් ඉදිරිපිට නතර කර තිබූ ත්රිරෝද රථයක ගැටී නතර වී ඇත. අනතුර සිදුවන අවස්ථාවේදී වෑන් රථය තුළ කිහිපදෙනෙකු ගමන් කර ඇති අතර, ඔවුන් සුළු තුවාල ලබා ඇති බව බලංගොඩ පොලිසිය පවසයි. අනතුරින් ත්රිරෝද රථයට මෙන්ම වෑන් රථයට ද සැලකිය යුතු දේපළ හානි සිදුව තිබේ.
දීර්ඝ ගමන් වාරවල යෙදෙන රියදුරන් නිදිමත ගතියක් දැනේ නම් රථය ආරක්ෂිත ස්ථානයක නතර කර විවේකයක් ලබා ගැනීම මෙවැනි අනතුරු වළක්වා ගැනීමට අත්යවශ්ය බව රථවාහන පොලිසිය නැවතත් සිහිපත් කරයි. අනතුර සම්බන්ධයෙන් බලංගොඩ පොලිසිය වැඩිදුර විමර්ශන පවත්වයි.
