බැංගලෝරයේ එම්. චින්නස්වාමි ක්රීඩාංගණයේ (M. Chinnaswamy Stadium) පැවැත්වීමට නියමිත ඉන්දීය ප්රිමියර් ලීග් (IPL) තරඟ නැරඹීම සඳහා සෑම ප්රාන්ත මන්ත්රීවරයෙකුටම (MLA) අවම වශයෙන් VIP ප්රවේශ පත්ර 4ක් බැගින් ලබා දීමට පියවර ගන්නා ලෙස කර්නාටක ප්රාන්ත කථානායක යූ.ටී. ඛාදර් (UT Khader) රජයට නියෝග කර තිබේ. ඊයේ (2026 මාර්තු 26) පැවති සභා වාරයේදී මන්ත්රීවරුන් කළ පැමිණිලි සලකා බැලීමෙන් අනතුරුව ඔහු මෙම තීරණය ගෙන ඇත.
මීට පෙර මන්ත්රීවරුන්ට ලබා දී තිබුණේ එක් ප්රවේශ පත්රයක් පමණක් බවත්, ඇතැම් අවස්ථාවලදී ඔවුන්ට සාමාන්ය ජනයා සමඟ පෝලිම්වල සිටීමට සිදු වූ බවත් මන්ත්රීවරුන් මෙහිදී මැසිවිලි නැගීය. “අපිට සාමාන්ය ජනයා වගේ පෝලිම්වල ඉන්න බැහැ,” යනුවෙන් ප්රකාශ කරමින් ඇතැම් මන්ත්රීවරුන් ක්රීඩාංගණය තුළ තමන් වෙනුවෙන්ම වෙන්වූ විශේෂ විවේකාගාරයක් (Dedicated lounge) ද ඉල්ලා සිටියහ.
2026 IPL තරඟාවලියේ බැංගලෝරයේ පැවැත්වෙන පළමු තරඟය හෙට (2026 මාර්තු 28) රෝයල් චැලෙන්ජර්ස් බැංගලෝර් (RCB) සහ සන්රයිසස් හයිද්රාබාද් (SRH) කණ්ඩායම් අතර පැවැත්වීමට නියමිතය. මෙම නියෝගයත් සමඟ කර්නාටක ප්රාන්ත ක්රිකට් සංගමයට (KSCA) මන්ත්රීවරුන් සහ ඔවුන්ගේ පවුල්වල සාමාජිකයන් වෙනුවෙන් විශේෂ ආසන පහසුකම් සැලසීමට සිදුවනු ඇත.
