බොරලැස්ගමුව නගර සභාව මගින් ක්රියාත්මක කරනු ලබන “ගමට සතියක්” විශේෂ වැඩසටහන යටතේ එම බලප්රදේශයට අයත් ග්රාම සේවා වසම් 18ක් සුද්ද පවිත්ර කර අලංකරණය කිරීමේ කටයුතු මේ වන විට ආරම්භ කර තිබේ.
මෙම සත්කාරක වැඩසටහන නීලම්මහර ගල්වල ක්රීඩාංගනයේ දී නිල වශයෙන් ආරම්භ කෙරුණු අතර, ඒ සඳහා ප්රදේශයේ මහජනතාව සහ නගර සභා සේවක පිරිස විශාල වශයෙන් එක්ව සිටියහ. මෙම අවස්ථාවට පාර්ලිමේන්තු මන්ත්රී ලක්ෂ්මන් නිපුණආරච්චි මහතා සහ බොරලැස්ගමුව නගර සභාවේ සභාපති ප්රදීප් නිශාන්ත වෙදමුල්ල මහතා ඇතුළු ප්රභූන් පිරිසක් සහභාගී වූහ. ප්රදේශයේ පොදු ස්ථාන පිරිසිදු කර වඩාත් සුන්දර පරිසරයක් නිර්මාණය කිරීම මෙහි ප්රධාන අරමුණයි.
