තම දෙමාපියන් සමඟ නිතර කලහකාරී ලෙස හැසිරුණු 14 හැවිරිදි පාසල් සිසුවියක් හලාවත අධිකරණ වෛද්ය නිලධාරීවරයා වෙත යොමු කිරීමේදී ඇය අවස්ථා කිහිපයකදී දූෂණයට ලක්ව ඇති බව අනාවරණය වී තිබේ. ආරච්චිකට්ටුව ප්රදේශයේ රජයේ පාසලක 9 වන ශ්රේණියේ ඉගෙනුම ලබන මෙම දැරිය, 2025 ජුලි මාසයේදී නාවලපිටිය ප්රදේශයේ පදිංචි තම පෙම්වතා අතින් අතවරයට ලක්ව ඇති බව පොලිස් විමර්ශනවලදී හෙළි විය. තමා විවාහ කර ගන්නා බවට ඔහු දුන් පොරොන්දුවක් මත මෙම සිද්ධිය රහසක් ලෙස තබාගත් බව පවසා ඇති දැරිය, එම අවස්ථාවේදී ඇයගේ මව විදේශගතව සිටි බවද අනාවරණය කර ඇත. සැකකාර පෙම්වතා මෙතෙක් අත්අඩංගුවට ගෙන නොමැති අතර හලාවත පොලීසියේ ළමා හා කාන්තා කාර්යාංශය ඔහු සොයා විමර්ශන පවත්වයි.
මීට අමතරව, මෙම සිද්ධියට පෙර 2024 අප්රේල් මාසයේදී නාත්තන්ඩිය – වලහාපිටිය ප්රදේශයේ පදිංචි 37 හැවිරිදි ඥාති සහෝදරයෙකු ද තමාට ලිංගික අතවර කළ බව දැරිය මාරවිල පොලීසියට ප්රකාශ කර තිබේ. එම අතවරය පිළිබඳව කාට හෝ පැවසුවහොත් මරා දමන බවට තර්ජනය කර රුපියල් 500ක මුදලක් තමාට ලබා දුන් බව ඇය වැඩිදුරටත් සඳහන් කර ඇත. මෙම පැමිණිල්ල මත අදාළ 37 හැවිරිදි සැකකරු මාරවිල පොලීසිය විසින් අත්අඩංගුවට ගෙන ඇති අතර ඔහු මාරවිල මහෙස්ත්රාත් අධිකරණයට ඉදිරිපත් කිරීමට නියමිතය. අතවරයට පත් දැරිය මේ වන විට මවගේ භාරයේ රඳවා සිටින අතර අධිකරණ නියෝග මත ඉදිරි කටයුතු සිදු කිරීමට පොලීසිය පියවර ගෙන ඇත.
