ලොව විශාලතම විද්යුත් වාහන නිෂ්පාදකයා වන චීනයේ BYD සමාගම වහල් සේවයට සමාන කොන්දේසි යටතේ සේවකයන් යෙදවූ බවට චෝදනා කරමින් බ්රසීල කම්කරු අමාත්යාංශය විසින් එම සමාගම සිය අසාදු ලේඛනයට (Blacklist) ඇතුළත් කර තිබේ බ්රසීලයේ ඊසානදිග බහියා (Bahia) ප්රාන්තයේ ඉදිකරමින් පවතින මෝටර් රථ කර්මාන්ත ශාලාවක සේවය කළ චීන ජාතික සේවකයන් 163 දෙනෙකු අතිශය දුෂ්කර සහ වහල් සේවයට සමාන තත්ත්වයන් යටතේ සේවය කරන බවට 2024 දෙසැම්බර් මාසයේදී කරන ලද වැටලීමකදී අනාවරණය වී ඇත ඒ අනුව බ්රසීල රජය විසින් නිල වශයෙන් මෙම සමාගම වහල් සේවයට සමාන තත්ත්වයන් යටතේ සේවකයන් තබා ගන්නා සේවා යෝජකයන්ගේ ලැයිස්තුවට එක් කර ඇති බව රොයිටර් පුවත් සේවය තහවුරු කරයි
මෙම පියවර චීනය සහ බ්රසීලය අතර පවතින ආර්ථික සබඳතාවලට මෙන්ම BYD සමාගමේ ජාත්යන්තර කීර්තිනාමයට ද දැඩි පහරක් වනු ඇතැයි ආර්ථික විශ්ලේෂකයෝ පෙන්වා දෙති මැදපෙරදිග පවතින ඉරාන යුද වාතාවරණය සහ ලෝක බලශක්ති අර්බුදය හමුවේ විද්යුත් වාහන සඳහා පවතින ඉල්ලුම ඉහළ ගොස් ඇති මොහොතක මෙවැනි ප්රබල චෝදනාවක් එල්ල වීම විශේෂත්වයකි බ්රසීල රජය අවධාරණය කරන්නේ සිය රට තුළ ආයෝජනය කරන ඕනෑම ජාත්යන්තර සමාගමක් එරට කම්කරු නීති සහ මානව හිමිකම්වලට ගරු කළ යුතු බවයි
මෙම සිදුවීමත් සමඟ BYD සමාගමේ ඉදිරි ආයෝජන සැලසුම් සහ බ්රසීලය තුළ ඔවුන්ගේ වෙළඳපොළ කොටස කෙරෙහි ද බලපෑම් එල්ල විය හැකි බව වාර්තා වේ දැනටමත් ලෝකයේ ප්රධාන තාක්ෂණික සහ මෝටර් රථ නිෂ්පාදන සමාගම් රැසක් සිය සැපයුම් දාමයන් තුළ සිදුවන මානව හිමිකම් උල්ලංඝනය කිරීම් සම්බන්ධයෙන් ජාත්යන්තර සංවිධානවල දැඩි නිරීක්ෂණයට ලක්ව සිටියි බ්රසීල බලධාරීන් පවසන්නේ මෙම අසාදු ලේඛනයට ඇතුළත් කිරීම හරහා අදාළ සමාගමට එරෙහිව දැඩි මූල්ය සහ නීතිමය සම්බාධක පැනවිය හැකි බවයි
