ඌව පළාත් සභාවට අයත් බදුල්ල දිස්ත්රික්කයේ ජාතික ඉතුරු කිරීම් බැංකුවේ (NSB) ස්ථිර තැන්පතු කල් පිරීමට පෙර ඉවත් කර ගැනීමෙන් රජයට රුපියල් ලක්ෂ 173ක (මිලියන 17.3) මූල්ය පාඩුවක් සිදු කිරීමේ සිද්ධියට අදාළ නඩුව ජූලි මස 7 වැනිදා යළි කැඳවන ලෙස කොළඹ ප්රධාන මහේස්ත්රාත් අසංග එස්. බෝදරගම මහතා අද (20) නියෝග කළේය. මෙම නඩුව පවරා ඇත්තේ අල්ලස් හෝ දූෂණ චෝදනා විමර්ශන කොමිෂන් සභාව විසින් වන අතර එහි ප්රධාන විත්තිකරුවන් ලෙස පාර්ලිමේන්තු මන්ත්රී චාමර සම්පත් දසනායක මහතා සහ ඌව පළාත් සභාවේ හිටපු නියෝජ්ය (මූල්ය) ලේකම් සුමිත්රා සිල්වා මහත්මිය නම් කර ඇත.
අද දින නඩුව කැඳවූ අවස්ථාවේදී සැකකරුවන් දෙදෙනාම අධිකරණය හමුවේ පෙනී සිටි අතර ඔවුන් දැනටමත් ඇප මත මුදා හැර සිටින පිරිසකි. ඌව පළාත් සභාවේ අරමුදල් අවභාවිත කරමින් රජයට සිදු කළ මෙම පාඩුව සම්බන්ධයෙන් අල්ලස් කොමිසම විසින් දීර්ඝ විමර්ශනයක් පවත්වා තිබේ. මීළඟ නඩු වාරයේදී මෙම සිද්ධියට අදාළ තවදුරටත් කරුණු ඉදිරිපත් වීමට නියමිතය.
