වසර තුනක නිහඬතාවයකින් පසු ලොව සුප්රසිද්ධ BTS සංගීත කණ්ඩායම සිය නවතම ඇල්බමය වන “Arirang” එළිදැක්වීම නිමිත්තෙන් පවත්වන දැවැන්ත ප්රසංගය හෙට (21) දින දකුණු කොරියාවේ සෝල් නුවර ඓතිහාසික ක්වාන්හ්වාමුන් (Gwanghwamun) චතුරශ්රයේදී පැවැත්වේ. මෙය Netflix ආයතනය විසින් රටවල් 190කට සජීවීව විකාශය කරන පළමු ගෝලීය සංගීත ප්රසංගය ලෙස ඉතිහාසයට එක්වන අතර, මෙමගින් දකුණු කොරියාවේ සජීවී විනෝදාස්වාද වැඩසටහන් ක්ෂේත්රය තවදුරටත් පුළුල් වනු ඇතැයි අපේක්ෂා කෙරේ.
මෙම සුවිශේෂී ප්රසංගය නැරඹීම සඳහා ලක්ෂ දෙකකට අධික ප්රේක්ෂක පිරිසක් පැමිණෙනු ඇතැයි බලධාරීන් ඇස්තමේන්තු කර ඇති අතර, මෙය 2002 ලෝක කුසලාන පාපන්දු තරගාවලියෙන් පසු කොරියාවේ සිදුවන විශාලතම ජන ඒකරාශී වීම ලෙස සැලකේ. සංචාරක ක්ෂේත්රයට ද මෙයින් විශාල පිබිදීමක් ලැබී ඇති අතර, මෙම මාසය තුළ පමණක් විදේශිකයන් මිලියන 1.1ක් කොරියාවට පැමිණ ඇති බව වාර්තා වේ. කණ්ඩායම් නායක RM පෙරහුරු අතරතුර වළලුකර ආබාධයකට ලක්වුවද, ඔහු වේදිකාවේ රැඳී සිටිමින් ප්රසංගයට දායක වීමට නියමිතය. මෙම ප්රසංගය කොරියානු සංස්කෘතික අනන්යතාවය ලොවට විදහා දක්වන සුවිශේෂී අවස්ථාවක් වනු ඇතැයි BTS කළමනාකාරීත්වය වන HYBE ආයතනය පවසයි.
