Roblox නමැති ජනප්රිය අන්තර්ජාල ක්රීඩා වේදිකාව හරහා 14 හැවිරිදි දැරියක හඳුනාගෙන, ඇයව ලිංගික අපයෝජනයට ලක් කිරීමට උත්සාහ කළ 19 හැවිරිදි කාලෝ ට්රිට්ටා (Carlo Tritta) නමැති තරුණයෙකුට එංගලන්ත අධිකරණය විසින් සිරදඬුවම් නියම කර තිබේ. සැකකරු සැතපුම් සිය ගණනක් ගෙවා අදාළ දැරිය පදිංචි නිවසට ඇයගේ කැමැත්තකින් තොරව පැමිණ තිබියදී අත්අඩංගුවට ගෙන ඇත.
මොහු මුලින්ම දැරිය සමඟ මිත්ර වී පසුව වෙනත් පණිවිඩ හුවමාරු යෙදුම් (Messaging Apps) හරහා සබඳතාව පවත්වාගෙන ගොස් ඇති අතර, ඇයට තෑගි බෝග සහ ආහාර පාර්සල් එවමින් ඇයව ආදර සබඳතාවයකට පොළඹවාගෙන තිබේ. දැරියගේ මවට මේ පිළිබඳව සැක සිතී සිදු කළ පැමිණිල්ලකට අනුව 2025 අගෝස්තු මාසයේදී මොහු අත්අඩංගුවට ගත් නමුත්, පසුව දැඩි කොන්දේසි මත ඇප මත මුදා හැර ඇත.
කෙසේ වෙතත්, ඇප මත සිටියදී පවා මොහු සිය විකෘති ක්රියා නතර කර නොමැති අතර දැරියගේ මිතුරන් හරහා ඇයව සම්බන්ධ කර ගැනීමටත්, ඇයට ලිපි එවමින් නඩුව ඉල්ලා අස්කර ගන්නා ලෙස බලපෑම් කිරීමටත් කටයුතු කර තිබේ. අවසානයේ මොහු දැරියගේ මව පිළිබඳව අසත්ය තොරතුරු ළමා රක්ෂණ අධිකාරියට වාර්තා කරමින් ඇයව අපහසුතාවයට පත් කිරීමට ද උත්සාහ කර ඇත. සැකකරු සන්තකයේ දැරියගේ අසභ්ය ඡායාරූප තිබූ බවට ද සාක්ෂි හමු වූ අතර, ඒ අනුව ඔහුට මෙම සිරදඬුවම නියම විය.
