දිල්ලි සුරාබදු ප්රතිපත්ති (Excise Policy) දූෂණ නඩුවට අදාළව හිටපු මහ ඇමති අරවින්ද් කෙජ්රිවාල් ඇතුළු විත්තිකරුවන් 23 දෙනෙකු නිදහස් කිරීමට විශේෂ අධිකරණය ලබා දුන් තීන්දුව අභියෝගයට ලක් කරමින් ඉන්දීය මධ්යම විමර්ශන කාර්යාංශය (CBI) දිල්ලි මහාධිකරණය හමුවේ අභියාචනයක් ඉදිරිපත් කර තිබේ.
විශේෂ අධිකරණ විනිසුරු ජිතේන්ද්ර සිං මහතා විසින් ලබා දුන් තීන්දුව “නීති විරෝධී” (Illegal) සහ “විකෘති සහගත” (Perverse) එකක් බව CBI ආයතනය සිය අභියාචනය මගින් පෙන්වා දෙයි. විනිසුරුවරයා විසින් නඩුවේ මූලික කරුණු පිළිබඳව විධිමත් අවබෝධයකින් තොරව “කුඩා නඩු විභාගයක්” (Mini-trial) පවත්වා ඇති බවත්, සාක්ෂි තෝරා බේරා ගනිමින් මෙම තීන්දුව ලබා දී ඇති බවත් එහි සඳහන් වේ.
පසුගිය පෙබරවාරි 27 වනදා තීන්දුව ලබා දෙමින් විනිසුරුවරයා ප්රකාශ කළේ CBI ඉදිරිපත් කළ කරුණු මගින් විත්තිකරුවන්ට එරෙහිව මූලික නඩුවක් (Prima facie case) තහවුරු කිරීමට පවා අපොහොසත් වී ඇති බවයි. විමර්ශන නිලධාරීන්ට එරෙහිව එහිදී එල්ල වූ දැඩි විවේචන “අසාධාරණ සහ තේරුම්ගත නොහැකි” ඒවා බව CBI ආයතනය පවසයි.
2021-22 වසර සඳහා හඳුන්වා දුන් දිල්ලි සුරාබදු ප්රතිපත්තිය මගින් මූල්ය අක්රමිකතා සිදු වූ බවට චෝදනා කරමින් අරවින්ද් කෙජ්රිවාල්, මනීෂ් සිසෝඩියා ඇතුළු පිරිසකට එරෙහිව මෙම නඩුව පවරා තිබුණි. කෙසේ වෙතත්, පසුගිය සිකුරාදා ඔවුන් සියලු දෙනා නිදහස් කිරීමට විශේෂ අධිකරණය නියෝග කළේය.
