මධ්යම පළාතේ හස්ත කර්මාන්ත ශිල්පීන්ගේ නිර්මාණ සඳහා නව වෙළඳපොළක් හඳුන්වා දීමේ අරමුණින් සංවිධානය කරන ලද “මැදරට විස්කම් දෑත් 2026” හස්ත කර්මාන්ත ප්රදර්ශනය සහ නිර්මාණ සජීවීකරණ වැඩසටහන මහනුවර කැන්ඩි සිටි සෙන්ටර් පරිශ්රයේදී ආරම්භ වී තිබෙනවා. මධ්යම පළාත් කර්මාන්ත සංවර්ධන හා ව්යාපාර ප්රවර්ධන දෙපාර්තමේන්තුව මඟින් මෙහෙයවනු ලබන මෙම ප්රදර්ශනය මධ්යම පළාත් කර්මාන්ත අමාත්යාංශයේ ලේකම් චරිතා ඉලංගකෝන් මහත්මියගේ ප්රධානත්වයෙන් විවෘත කෙරුණා. පාරම්පරික මෙන්ම නව දේශීය කර්මාන්ත නියෝජනය කරන ශිල්පීන් වෙනුවෙන් නව ආදායම් මාර්ග විවෘත කිරීම සහ ඔවුන්ගේ සුවිශේෂී නිර්මාණ සඳහා සෘජුවම නව ඇණවුම් ලබා ගැනීමේ අවස්ථාව සලසා දීම මෙම ප්රදර්ශනයේ ප්රධානතම අපේක්ෂාව වී තිබෙනවා. කර්මාන්ත සංවර්ධන හා ව්යාපාර ප්රවර්ධන දෙපාර්තමේන්තුවේ අධ්යක්ෂ උදාර කොන්සිවත්ත මහතා සහ නියෝජ්ය අධ්යක්ෂ ජයශ්රීනී අමරකෝන් මහත්මිය ඇතුළු රාජ්ය නිලධාරීන් මෙන්ම ප්රදේශයේ සුළු හා මධ්ය පරිමාණ කර්මාන්තකරුවන් රැසක්ද මෙම අවස්ථාවට උද්යෝගයෙන් සහභාගී වී සිටියා.
