ලංකා වාණිජ මණ්ඩලයේ (Ceylon Chamber of Commerce) නව මහලේකම් සහ ප්රධාන විධායක නිලධාරී (CEO) ලෙස ශිරාන් ප්රනාන්දු මහතා පත් කර තිබේ. මෙම පත්වීම 2026 මැයි මස 08 වැනිදා සිට ක්රියාත්මක වීමට නියමිතය.
වසර තුනක සේවා කාලයක් සම්පූර්ණ කරමින් එම ධුරයෙන් සමුගන්නා බුවනෙකබාහු පෙරේරා මහතාගෙන් පසුව ශිරාන් ප්රනාන්දු මහතා මෙම වගකීම භාර ගනු ඇත. මීට පෙර ලංකා වාණිජ මණ්ඩලයේ ප්රධාන ආර්ථික විද්යාඥ සහ ආර්ථික බුද්ධි ඒකකයේ ප්රධානියා ලෙස කටයුතු කර ඇති ප්රනාන්දු මහතා, මේ වන විට එහි ප්රධාන ආර්ථික ප්රතිපත්ති උපදේශක ලෙස කටයුතු කරයි.
මෙම පත්වීම සම්බන්ධයෙන් අදහස් දක්වමින් ලංකා වාණිජ මණ්ඩලයේ සභාපති ක්රිෂාන් බාලේන්ද්ර මහතා සඳහන් කළේ, මෙම නායකත්ව වෙනස ආයතනයේ ස්ථාවරත්වය සහ අඛණ්ඩතාව සහතික කරන බවයි. ආයතනික ප්රතිපත්ති සහ පර්යේෂණ ක්ෂේත්රය තුළ දශකයකට ආසන්න කාලයක් ශිරාන් ප්රනාන්දු මහතා ලබා ඇති අත්දැකීම් වාණිජ මණ්ඩලයේ අනාගත ගමනට මහත් ශක්තියක් වනු ඇතැයි පාලක මණ්ඩලයේ විශ්වාසයයි.
ධුරයෙන් සමුගන්නා බුවනෙකබාහු පෙරේරා මහතා සිය සේවා කාලය තුළ ඉන්දියානු සාගර රිම් සංගමයේ ව්යාපාරික සංසදයේ (IORBF) සභාපතිවරයා ලෙස ද කටයුතු කරමින් ශ්රී ලංකාවේ පෞද්ගලික අංශය ජාත්යන්තර මට්ටමට ඔසවා තැබීමට සුවිශේෂී දායකත්වයක් ලබා දී තිබේ.
මීට අමතරව, වාණිජ මණ්ඩලයේ මෙහෙයුම් අඛණ්ඩතාව තවදුරටත් තහවුරු කරමින් නියෝජ්ය මහලේකම් සහ ප්රධාන මෙහෙයුම් නිලධාරිනී ලෙස ඇලිකි පෙරේරා මහත්මිය අඛණ්ඩව කටයුතු කරනු ඇත. ඇය දශක තුනකට වැඩි කාලයක් පුරා වාණිජ මණ්ඩලයේ ප්රධාන වැඩසටහන් රාසයක නියමුවරියක ලෙස කටයුතු කර ඇති ප්රවීණ නිලධාරිනියකි.
