ලංකා විදුලිබල මණ්ඩලයට අදාළ වෘත්තීය සමිති ක්රියාත්මක කරන වැඩ වර්ජනය සමහන් කිරීම සඳහා රජය සහ කළමනාකාරිත්වය නව පියවරක් ගෙන තිබේ. මෙතෙක් එකඟතාවයකට පැමිණීමට නොහැකි වූ ඉල්ලීම් දෙක සම්බන්ධයෙන් ඉදිරි දින දෙක ඇතුළත ජනාධිපතිවරයා සමඟ සෘජුව සාකච්ඡා කිරීමට අවස්ථාව ලබා දෙන බව ලංවිම අනුප්රාප්තික සමාගම්වල කළමනාකාරිත්වය වෘත්තීය සමිති වෙත නිල වශයෙන් දැනුම් දී ඇත. මෙම සාකච්ඡාවට මඟ පාදා ගැනීම සඳහා දැනට ක්රියාත්මක වැඩ වර්ජනය වහාම නතර කර සේවයට වාර්තා කරන ලෙස කළමනාකාරිත්වය සේවකයින්ගෙන් ඉල්ලා සිටියි.
මීට පෙර පැවැති සාකච්ඡාවලදී වෘත්තීය සමිති ඉදිරිපත් කළ ඉල්ලීම් 64න් 62ක් සඳහාම අනුප්රාප්තික සමාගම්වල කළමනාකාරිත්වය සිය එකඟතාවය පළ කර තිබුණි. මෙම සාධනීය ප්රගතියත් සමඟ විදුලි සැපයුම බාධාවකින් තොරව පවත්වාගෙන යාමට සහ ජනතාව මුහුණ දෙන අපහසුතා මඟහරවා ගැනීමට වර්ජනය අතහැර දැමීම අත්යවශ්ය වී තිබේ. ඉතිරිව ඇති ඉල්ලීම් දෙක සඳහා ජනාධිපතිවරයාගේ මැදිහත් වීම මත සාධාරණ විසඳුමක් ලැබෙනු ඇතැයි බලධාරීන් විශ්වාසය පළ කරන අතර, මේ වන විට දිවයින පුරා පවතින උණුසුම් පුවත් අතර මෙම විදුලි වර්ජනයේ තීරණාත්මක හැරවුම් ලක්ෂය කෙරෙහි සැමගේ අවධානය යොමුව ඇත.
