ලංකා විදුලිබල මණ්ඩල ඉංජිනේරු සංගමය විසින් බලශක්ති අමාත්යවරයා වෙත යොමු කරන ලද ලිපිය මගින් දැනට ක්රියාත්මක වෘත්තීය සමිති ක්රියාමාර්ගය සහ සේවක අයිතිවාසිකම් පිළිබඳව සිය ස්ථාවරය පැහැදිලි කර තිබේ. එහිදී ඔවුන් අවධාරණය කරන්නේ මණ්ඩලය ප්රතිව්යුහගත කිරීමේදී සේවකයන් භුක්ති විඳි කිසිදු වරප්රසාදයක් අඩු නොවිය යුතු බවට ශ්රේෂ්ඨාධිකරණය ලබා දී ඇති තීන්දුව මෙතෙක් නිසි ලෙස ක්රියාත්මක වී නොමැති බවයි.
සේවක අයිතීන් සුරක්ෂිත කරගැනීම සඳහා සිදු කළ සාකච්ඡා අසාර්ථක වීම හේතුවෙන් වෘත්තීය සමිති 25ක් එක්ව පසුගිය සඳුදා සිට මෙම වර්ජනය ආරම්භ කළ බවත්, නව අනුප්රාප්තික සමාගම් වෙත සේවකයන් අනුයුක්ත කිරීමේදී ඔවුන්ගේ අයිතිවාසිකම් උල්ලංඝනය වන බවත් සංගමය පෙන්වා දෙයි. කෙසේ වෙතත්, ඊයේ (10) නව සමාගම් හතරේ සභාපතිවරුන් සමඟ පැවැති සාකච්ඡා යම් සාධනීය මට්ටමක පැවති අතර, එකඟතාවයකට පැමිණීමට නොහැකි වූ කරුණු පිළිබඳව බලශක්ති අමාත්යවරයා සමඟ සාකච්ඡා කර අවසන් තීරණයක් ලබා දීමට සභාපතිවරුන් එකඟ වී ඇති බව ද එම ලිපියේ වැඩිදුරටත් සඳහන් වේ.
