පවතින ගෝලීය බලශක්ති අර්බුදය හමුවේ ශ්රී ලංකාව මුහුණ දී සිටින තත්ත්වය කළමනාකරණය කර ගැනීමට ජනතාවගේ සහාය අත්යවශ්ය බව කර්මාන්ත හා ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ මහතා පවසයි. අද (16) පැවති ජන හමුවකදී අදහස් දක්වමින් ඔහු කියා සිටියේ ජනතාව ස්වයංව ඉන්ධන පරිභෝජනය සීමා කරන්නේ නම්, නැවත QR ක්රමවේදයක් වෙත යාමට අවශ්ය නොවන බවයි.
මෙම බලශක්ති හිඟය මෙරටට පමණක් සීමා වූවක් නොව සමස්ත ලෝකයටම බලපා ඇති පොදු ගැටලුවක් බවත්, එබැවින් හැකි සෑම අවස්ථාවකම බලශක්තිය අරපිරිමැස්මෙන් භාවිත කරන ලෙසත් ඔහු ජනතාවගෙන් ඉල්ලා සිටියේය. විශේෂයෙන් කර්මාන්ත ක්ෂේත්රය සහ දෛනික ප්රවාහන කටයුතුවලදී උපරිම පිරිමැස්ම අනුගමනය කිරීම හරහා ඉදිරි පීඩනය අවම කරගත හැකි බව නියෝජ්ය අමාත්යවරයා වැඩිදුරටත් පෙන්වා දුන්නේය.
