ලෝක බලවතුන්ගේ ගැටුම් මැද මැදපෙරදිගින් ඇවිළෙන යුද ගින්න දැන් චීනයටත් තදින්ම දැනෙන්න පටන් අරන්. මේ වෙලාවේ චීනයේ ප්රධානම ප්රශ්නය වෙලා තියෙන්නේ තමන්ගේ ආර්ථික අභිලාෂයන් සහ ආයෝජන මේ අවිනිශ්චිතතාවයෙන් බේරා ගන්නේ කොහොමද කියන එකයි.
වසර ගණනාවක සිට දේපළ වෙළඳාම් අර්බුදය සහ දේශීය ණය බරින් පීඩා විඳින චීනය, මේ වසරේ තම ආර්ථික ඉලක්ක පවා පහත හෙළීමට තීරණය කළා. ඇමරිකාව සමඟ පවතින වෙළඳ යුද්ධය මදිවට, දැන් මැදපෙරදිග යුද්ධය නිසා චීනයේ බලශක්ති සැපයුමට සහ නාවික ගමන් මාර්ගවලට දැඩි තර්ජනයක් එල්ල වී තිබෙනවා. විශේෂයෙන්ම හෝමුස් සමුද්ර සන්ධිය අවහිර වුවහොත් එය චීන ආර්ථිකයේ මරු පහරක් වනු නොඅනුමානයි.
ලෝක දේශපාලන විශ්ලේෂකයන් පවසන්නේ මෙය හුදෙක් බලශක්ති ප්රශ්නයක් පමණක් නොවන බවයි. මැදපෙරදිග අස්ථාවරත්වය අප්රිකානු කලාපයටත් බලපාන අතර, එමඟින් චීනය අප්රිකාවේ සිදුකර ඇති දැවැන්ත ආයෝජන පවා අනතුරේ වැටී තිබෙනවා. “ඇමරිකාවට මේ ගැන හරි සැලසුමක් තියෙනවද?” කියන ප්රශ්නය චීනය විතරක් නෙවෙයි, මුළු ලෝකයම අද අසමින් සිටිනවා. යුද්ධයකට සෘජුව මැදි නොවී, තමන්ගේ ආර්ථිකය ආරක්ෂා කරගැනීමේ අසීරු සටනක චීනය දැන් නිරත වෙලා.
