චීනය සහ උතුරු කොරියාව අතර ද්විපාර්ශ්වික සබඳතා තවදුරටත් ශක්තිමත් කිරීමටත්, දෙරට අතර හුවමාරු වැඩසටහන් පුළුල් කිරීමටත් චීන සහ උතුරු කොරියානු විදේශ අමාත්යවරුන් එකඟතාවයකට පැමිණ තිබේ. චීන විදේශ අමාත්ය වන්ග් යී (Wang Yi) මහතා වසර හතකට පසු සිය ප්රථම උතුරු කොරියානු සංචාරය සනිටුහන් කරමින් ඊයේ පියොන්ග්යැන්ග් නුවරට පැමිණි අතර, එහිදී ඔහු උතුරු කොරියානු විදේශ අමාත්ය චෝයි සෝන් හුයි (Choe Son Hui) මහත්මිය හමුවී සාකච්ඡා පැවැත්වීය.
චීනයේ නිල පුවත් ඒජන්සිය වන ෂින්හුවා (Xinhua) වාර්තා කරන පරිදි, දෙපාර්ශවය වත්මන් ජාත්යන්තර සහ කලාපීය ගැටලු පිළිබඳව ගැඹුරු අදහස් හුවමාරුවක නිරත වුවද, එහි නිශ්චිත කරුණු මෙතෙක් අනාවරණය කර නොමැත. උතුරු කොරියානු මධ්යම පුවත් ඒජන්සිය (KCNA) වාර්තා කළේ, දෙරටේ විදේශ ප්රතිපත්ති සම්පාදනය කරන ආයතන අතර උපායමාර්ගික සන්නිවේදනය ශක්තිමත් කිරීමට මෙහිදී තීරණය වූ බවයි.
ඇමෙරිකානු ජනාධිපති ඩොනල්ඩ් ට්රම්ප් මහතා සහ චීන ජනාධිපති ෂී ජින්පින් මහතා අතර ලබන මාසයේ බෙයිජිං නුවරදී පැවැත්වීමට නියමිත විශේෂ සමුළුවට පෙර මෙම සංචාරය සිදුවීම ජාත්යන්තර දේශපාලනය තුළ සුවිශේෂී අවධානයකට ලක්ව තිබේ. මෙය කලාපීය ස්ථාවරත්වය සහ බලතුලනය පිළිබඳව වැදගත් සන්ධිස්ථානයක් වනු ඇතැයි විචාරකයෝ පවසති.
