චීනයේ ඉහළම ව්යවස්ථාදායක ආයතනය වන ජාතික මහජන කොංග්රසය (National People’s Congress – NPC) නියෝජනය කළ නීති සම්පාදකයින් 19 දෙනෙකු එම ධුරවලින් ඉවත් කර ඇති බව වාර්තා වේ. මෙම ඉවත් කරන ලද කණ්ඩායමට එරට හමුදා ක්ෂේත්රයේ ඉහළ පෙළේ නිලධාරීන් 9 දෙනෙකු ද ඇතුළත් වීම ජාත්යන්තර අවධානයට ලක්ව තිබේ.
ලබන සතියේදී චීනයේ වාර්ෂිකව පැවැත්වෙන විශාලතම සහ තීරණාත්මක දේශපාලන රැස්වීම වන “ද්විත්ව සැසිවාරය” (Two Sessions) ආරම්භ වීමට නියමිතව තිබියදී මෙම හදිසි ඉවත් කිරීම් සිදු කර ඇත. සාමාන්යයෙන් චීනයේ ප්රධාන ප්රතිපත්ති තීරණ සහ නායකත්ව වෙනස්කම් සිදු කෙරෙන්නේ මෙම කාලසීමාව තුළදීය. චීන දේශපාලන ව්යුහය තුළ ජාතික මහජන කොංග්රසය සතු බලය සහ එහි සංයුතිය පහත සටහනින් පැහැදිලි වේ.
මෙම ඉවත් කිරීම් සඳහා චීන රජය නිල වශයෙන් හේතු දක්වා නොමැති වුවද, එය ජනාධිපති ෂි ජින්පින් විසින් ආරම්භ කර ඇති දැඩි දූෂණ විරෝධී මර්දන ව්යාපාරයේ (Anti-corruption campaign) දිගුවක් බව දේශපාලන විචාරකයෝ පෙන්වා දෙති. විශේෂයෙන්ම හමුදා ඉහළ නිලධාරීන් ඉවත් කිරීම හරහා ආරක්ෂක අංශ තුළ පවතින දූෂණ සහ අක්රමිකතා තුරන් කිරීමට රජය උත්සාහ කරන බව විශ්වාස කෙරේ.
