චීන කොමියුනිස්ට් පක්ෂය සහ තායිවානයේ ප්රධාන විපක්ෂය වන කුවෝමින්ටැන්ග් (KMT) පක්ෂය අතර ඓතිහාසික සබඳතා යළි අලුත් කරමින් විශේෂ සමුළුවක් සඳහා සූදානම් වන බව වාර්තා වේ. මෙම හමුව වඩාත් මතභේදාත්මක වී ඇත්තේ චීන ජනාධිපති ෂී ජින්පින් සහ ඇමෙරිකානු ජනාධිපති ඩොනල්ඩ් ට්රම්ප් අතර සැලසුම් කර ඇති ඉහළ පෙළේ සාකච්ඡාවට මාසයකට පමණ පෙර මෙය පැවැත්වීමට නියමිත බැවිනි.
1949 වසරේ චීන විප්ලවයෙන් පසුව දශක ගණනාවක් පුරා පසමිතුරන්ව සිටි මෙම පක්ෂ දෙක අතර පවතින වර්තමාන දේශපාලන හිතවත්කම ලෝක දේශපාලනයේ සුවිශේෂී හැරවුම් ලක්ෂයක් ලෙස සැලකේ. චීන රජය දැනට තායිවානයේ ප්රධාන විපක්ෂය වන KMT පක්ෂය දකින්නේ තායිවානය සහ චීනය සාමකාමීව ඒකාබද්ධ කිරීමේ (Peaceful unification) හොඳම බලාපොරොත්තුව ලෙසයි.
විශේෂයෙන්ම ඇමෙරිකානු අවි ආයුධ මත යැපෙමින් චීනයට එරෙහිව සිටි KMT පක්ෂය, 1991 වසරේදී චීනය බලහත්කාරයෙන් යටත් කර ගැනීමේ අරමුණ අත්හැර දැමීය. වර්තමාන භූ දේශපාලනික තත්ත්වය තුළ, චීනය සමඟ පවතින සබඳතා සමබර කර ගැනීමට මෙම පක්ෂය උත්සාහ කරමින් සිටින අතර, ඉදිරි මාසය තුළ පැවැත්වීමට නියමිත මෙම සමුළුව ආසියානු කලාපයේ බල තුලනයට ප්රබල බලපෑමක් එල්ල කරනු ඇතැයි විචාරකයෝ පවසති.
