චීනයේ ටියැන්ජින් (Tianjin) හි පිහිටි ජාතික සුපිරි පරිගණක මධ්යස්ථානයේ පද්ධති වෙත සයිබර් ප්රහාරයක් එල්ල වී ඇති බවත් එමඟින් එරට ආරක්ෂක ක්ෂේත්රයට අදාළ අතිශය රහසිගත පර්යේෂණ දත්ත රැසක් අවභාවිත වී ඇති බවත් වාර්තා වේ. “FlamingChina” යන අන්වර්ථ නාමයෙන් හඳුන්වන හැකර්වරයෙකු විසින් 2025 වසරේ මැද භාගයේදී මෙම සොරකම ආරම්භ කර ඇති බව නවතම තොරතුරු අනාවරණය කරයි.
මෙම මධ්යස්ථානය චීනයේ විශ්වවිද්යාල, විද්යාත්මක ආයතන සහ ආරක්ෂක සංවිධාන දහස් ගණනක පර්යේෂණ ව්යාපෘති සඳහා සහාය දක්වන ප්රධාන මධ්යස්ථානයකි. විශේෂයෙන්ම ගුවන් අභ්යවකාශ සැලසුම් සහ දියුණු මිලිටරි අනුකරණ (Military simulations) වැනි වැදගත් දත්ත එහි ගබඩා කර තිබුණි. හැකර්වරයා විසින් ආරක්ෂක පද්ධති මඟ හරිමින් මාස හයක් වැනි දිගු කාලයක් තිස්සේ පෙටාබයිට් (Petabytes) 10කට අධික දත්ත ප්රමාණයක් සොරකම් කර ඇති බව හෙළි වී තිබේ.
මෙම ප්රහාරය සඳහා දුර්වල VPN වසමක් (Compromised VPN domain) උපයෝගී කරගෙන ඇති අතර ඉතා සූක්ෂ්ම ලෙස දත්ත පිටතට ගෙන ඇති බැවින් ආරක්ෂක අංශවලට මෙය කල්තියා හඳුනා ගැනීමට නොහැකි වී ඇත. මෙය චීනයේ ජාතික ආරක්ෂාවට එල්ල වූ ප්රබල බලපෑමක් ලෙස විදේශීය මාධ්ය වාර්තා කර සිටියි.
