චීන නව වසර සැමරීම නිමිත්තෙන් සහ දෙරට අතර සංස්කෘතික සබඳතා තවදුරටත් ශක්තිමත් කිරීමේ අරමුණින් “2026 Colorful Yunnan: Rendezvous in Sri Lanka” නමැති ප්රසංගය හම්බන්තොට මාගම් රුහුණුපුර ජාත්යන්තර සම්මේලන මධ්යස්ථානයේදී (MRICC) උත්කර්ෂවත් අන්දමින් පැවැත්විණි. චීනයේ යුනාන් පළාතට ආවේණික වූ මනස්කාන්ත ගීත සහ නර්තන අංගයන්ගෙන් මෙම ප්රසංගය සමන්විත විය.
කොළඹදී සාර්ථකව පවත්වන ලද සංදර්ශන මාලාවකින් අනතුරුව, ජාත්යන්තර මට්ටමේ රංගන කලාවන් දේශීය ප්රජාවට නැරඹීම සඳහා හම්බන්තොටට රැගෙන ඒම දකුණු කලාපයේ ජනතාවට ලැබුණු විශේෂ අවස්ථාවකි. මෙමඟින් චීන සංස්කෘතික උරුමයන් සහ සම්ප්රදායන් ශ්රී ලාංකික ජනතාවට සමීපව අත්විඳීමට අවස්ථාව සැලසුණි.
මෙම අවස්ථාවට ශ්රී ලංකාවේ චීන තානාපති වී. ෂෙන්හොන්, හම්බන්තොට දිසාපති ඉන්ද්රජිත් ද සිල්වා, නගරාධිපති ඩී. ඒ. ගාමිණි සහ HIPGහි ප්රධාන විධායක නිලධාරී විල්සන් ෂු යන මහත්වරුන් ඇතුළු රාජ්ය නිලධාරීන් සහ රාජ්ය තාන්ත්රික නියෝජිතයන් පිරිසක් සහභාගී වූහ. දෙරට අතර පවතින රාජ්ය තාන්ත්රික සබඳතා තවදුරටත් වර්ධනය කර ගැනීමට මෙවැනි කලාත්මක හුවමාරු වැදගත් වන බව මෙහිදී අවධාරණය කෙරිණි.
