වත්මන් මාලිමා රජය යටතේ සිදුව ඇති බව කියන “ගල්අඟුරු හොරකම” පිළිබඳව කරුණු අනාවරණය කිරීම සඳහා මහජන හඬ මෙහෙයුම් කමිටුව සංවිධානය කළ විශේෂ සම්මන්ත්රණයක් අද (10) කොළඹ පදනම් ආයතනයේදී පැවැත්වුණි. මෙම අවස්ථාව සඳහා දේශපාලන ක්ෂේත්රයේ ප්රමුඛ පෙළේ නායකයින් රැසක් සහ විෂය ක්ෂේත්රයට අදාළ විශේෂඥයින් එක්ව සිටීම කැපී පෙනුණි.
සම්මන්ත්රණය අමතමින් ඉංජිනේරු උපසම්පාදන සහ ඉදිකිරීම් සංගමයේ සභාපති වෛද්ය ෂාම් පතිරාජ, පාර්ලිමේන්තු මන්ත්රී ඩී.වී. චානක සහ පුනර්ජනනීය බලශක්ති ආරක්ෂණ පෙරමුණේ කැඳවුම්කරු සංඛ චන්දිම අබේවර්ධන යන මහත්වරුන් දේශන පැවැත්වූහ. එහිදී ඔවුන් අවධාරණය කළේ ගල්අඟුරු මිලදී ගැනීමේ ක්රියාවලියේදී විනිවිදභාවයකින් තොරව කටයුතු කිරීම හේතුවෙන් රජයට සහ මහජනතාවට විශාල මූල්යමය පාඩුවක් සිදුව ඇති බවයි. විශේෂයෙන්ම ටෙන්ඩර් පටිපාටිය උල්ලංඝනය කරමින් සිදුකර ඇති බව කියන මෙම ගනුදෙනුව පිළිබඳව ස්වාධීන පරීක්ෂණයක් අවශ්ය බව ඔවුහු පෙන්වා දුන්හ.
හිටපු ජනාධිපති රනිල් වික්රමසිංහ මහතා ඇතුළු නාමල් රාජපක්ෂ, සාගර කාරියවසම්, මහින්ද අමරවීර, ජී.එල්. පීරිස්, සාගල රත්නායක, වජිර අබේවර්ධන, අනුර ප්රියදර්ශන යාපා, දුමින්ද දිසානායක, ඉන්දික අනුරුද්ධ, ප්රේමනාත් සී. දොළොවත්ත සහ සංජීව ඉදිරිමාන්න යන මහත්වරුන් ද මෙම අවස්ථාවට සහභාගී වී සිටියහ. විපක්ෂය නියෝජනය කරන මෙම දේශපාලන නායකයින් මෙහිදී අදහස් දක්වමින් කියා සිටියේ, පිරිසිදු පාලනයක් පිළිබඳව පොරොන්දු දී බලයට පත්වූ රජය මෙවැනි දූෂිත ගනුදෙනු හරහා ජනතාව නොමඟ යවන බවයි.
