කොළඹ මහනගර සභාවේ නාගරික මන්ත්රීවරු දෙදෙනෙකු අතර ඇති වූ බහින්බස්වීමක් ගුටිබැට හුවමාරුවක් දක්වා දුරදිග යාමෙන් තුවාල ලැබූ එක්සත් ජාතික පක්ෂ මන්ත්රී රම්සි ටෝනි මහතා කොළඹ ජාතික රෝහලට ඇතුළත් කර තිබේ. ස්වාධීන මන්ත්රීවරයෙකු වන උපාලි වැලිවත්ත මහතා විසින් මෙම පහරදීම සිදු කර ඇති බව වාර්තා වේ.
අද (09) පැවති සභා වාරයේදී, උපාලි වැලිවත්ත මන්ත්රීවරයා කොළඹ නගරයේ වෙළඳසැල් පරීක්ෂාවක් විනය විරෝධී ලෙස සිදු කළ බවට රම්සි ටෝනි මහතා විවේචනය කර ඇති අතර, පසුව එය දැනගත් වැලිවත්ත මන්ත්රීවරයා ඔහු සමඟ ගැටුමක් ඇති කරගෙන තිබේ. මෙම ප්රහාරයෙන් රම්සි ටෝනි මහතාගේ නාසයට බරපතළ හානි සිදුව ඇති බව සඳහන් වේ. සිද්ධිය සම්බන්ධයෙන් කුරුඳුවත්ත පොලීසිය විමර්ශන ආරම්භ කර ඇති අතර, ප්රදේශයෙන් පලාගොස් ඇති සැකකාර මන්ත්රීවරයා අත්අඩංගුවට ගැනීමට මෙහෙයුම් ක්රියාත්මකය.
