කොළඹ උතුර කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමක් විසින් ඊයේ (07) දහවල් සිදුකළ වැටලීමකදී හෙරොයින් මත්ද්රව්ය සමඟ සැකකරුවෙකු මට්ටක්කුලිය කදිරාන වත්ත ප්රදේශයේදී අත්අඩංගුවට ගෙන තිබේ.
අත්අඩංගුවට ගන්නා අවස්ථාවේදී සැකකරු සන්තකයේ තිබී හෙරොයින් ග්රෑම් 352ක් පොලිස් භාරයට ගෙන ඇත. මීට අමතරව මත්ද්රව්ය ජාලයෙන් උපයාගත් බවට සැකකෙරෙන රුපියල් 52,950ක මුදලක් ද නිලධාරීන් විසින් සොයාගෙන තිබේ. සැකකරු සහ මත්ද්රව්ය තොගය වැඩිදුර විමර්ශන කටයුතු සඳහා මට්ටක්කුලිය පොලිස් ස්ථානය වෙත ඉදිරිපත් කර ඇත.
පොලිසිය සඳහන් කළේ අත්අඩංගුවට ගත් සැකකරු වයස අවුරුදු 34ක් වන කොළඹ 15 ප්රදේශයේ පදිංචිකරුවෙකු බවයි. මට්ටක්කුලිය පොලිසිය සිද්ධිය සම්බන්ධයෙන් වැඩිදුර විමර්ශන මෙහෙයවනු ලබයි.
