කොළඹ වරාය නගරයේ (Port City) මරීනා වැලි තීරයේ පැවති ඩී.ජේ. (DJ) ප්රසංගයකට සහභාගී වූ තරුණයෙකු සහ තරුණියක සැකකටයුතු ලෙස මියගොස් ඇති බව වරාය පොලිසිය අද (02) තහවුරු කළේය.
මියගොස් ඇත්තේ දෙල්ගොඩ පදිංචි 28 හැවිරිදි ජේ. එච්. ආර්. සඳලී පෙරේරා සහ වැල්වටිතුරෙයි පදිංචි 30 හැවිරිදි රෙදිපිළි ව්යාපාරිකයෙකු වන එස්. නිතුර්ශන් නැමැති අයෙකි. මියගිය තරුණිය ජපානයේ රැකියාවක නියුතු අයෙකු බවත්, ඇය පසුගිය 28 වැනිදා රාත්රියේ පැවති සාදයේදී හදිසියේ රෝගී වී වැලි තීරයේ වැටී සිටියදී මිතුරන් විසින් රෝහල් ගත කර ඇති බවත් මූලික විමර්ශනවලදී හෙළි විය. ඇය ඊයේ (01) දින ප්රතිකාර ලබමින් සිටියදී මියගොස් තිබේ.
මේ අතර, අතුරුදන්ව සිටි තරුණයාගේ සිරුර අද පෙරවරුවේ වරාය නගරයේ පාලමක් යට මුහුදේ පාවෙමින් තිබියදී පොලිසිය විසින් සොයා ගන්නා ලදී. මෙම මරණ දෙකම එකම සිද්ධියකට සම්බන්ධද යන්න සහ ඔවුන් යම් විෂ ද්රව්යයක් ශරීරගත වීමෙන් මියගියේද යන්න පිළිබඳව පොලිසිය පුළුල් විමර්ශනයක් ආරම්භ කර ඇත.
