කොළඹ වරාය නගරයේ (Port City Colombo) ‘The Mall’ සාප්පු සංකීර්ණයේ පිහිටි තීරුබදු රහිත වෙළඳසැල් ජාලයේ (Duty Free) ආගමන විගමන පද්ධතියේ ඇති වූ තාක්ෂණික ගැටලුව මේ වන විට සම්පූර්ණයෙන්ම විසඳා ඇති බව නිල වශයෙන් වාර්තා වේ.
Port Cityහි Duty Free තාක්ෂණික ගැටලුව විසඳා අවසන්
ඊයේ (11) දිනයේදී මෙම තීරුබදු රහිත සාප්පු සංකීර්ණයේ ආගමන විගමන දත්ත පද්ධතියේ හදිසි බිඳවැටීමක් සිදු වූ අතර, ඒ හේතුවෙන් පාරිභෝගිකයින්ට භාණ්ඩ මිලදී ගැනීමේදී යම් ප්රමාදයක් සිදු විය. කෙසේ වෙතත්, වරාය නගර බලධාරීන් සහ තාක්ෂණික කණ්ඩායම් එක්ව එම ගැටලුව කඩිනමින් විසඳීමට පියවර ගත් අතර, ඊයේ පස්වරුව වන විට පද්ධතිය යථා තත්ත්වයට පත් කර තිබේ.
මේ වන විට කිසිදු බාධාවකින් තොරව සියලුම මෙහෙයුම් කටයුතු සිදුවන බැවින්, පාරිභෝගිකයින්ට පෙර පරිදිම සිය මිලදී ගැනීම් සිදු කිරීමට අවස්ථාව පවතින බව පාලනාධිකාරිය වැඩිදුරටත් සඳහන් කරයි.
